Լրահոս
Օրվա լրահոսը

Թմրամիջոցների չարաշահման և ապօրինի շրջանառության դեմ պայքարի միջազգային օր

Հունիս 27,2016 13:15

ՀՔԱ Վանաձորի գրասենյակի հայտարարությունը

 Հունիսի 26-ը թմրամոլության և թմրամիջոցների ապօրինի շրջանառության դեմ պայքարի միջազգային օրն է, որը հռչակվել է 1988 թ.-ին ՄԱԿ-ի Գլխավոր ասամբլեայի կողմից:  Թմրամիջոց գործածող անձանց իրավունքների պաշտպանությունը ՀՔԱ Վանաձորի գրասենյակի գործունեության կարևոր ուղղություններից է: Այս նպատակով Կազմակերպությունն իրականացնում է համապատասխան մշտադիտարկումներ, ուսումնասիրություններ, վերլուծություններ և հանդես գալիս առաջարկություններով:

Թմրամիջոց գործածող անձինք այսօր կանգնած են առողջապահական, իրավական, սոցիալական տարբեր խնդիրների առջև: Վերջիններիս նկատմամբ բարձր է խտրական վերաբերմունքը, ինչի արդյունքում պարբերաբար խախտվում են նրանց իրավունքները:

Չնայած Հայաստանի Հանրապետության կողմից ներդրված ջանքերին՝ թմրամիջոց գործածող անձանց նկատմամբ վարվող քաղաքականության հարցում՝ ՀՔԱ Վանաձորի գրասենյակը գտնում է, որ իշխանությունները ամբողջությամբ չեն իրականացնում «Թմրամիջոցների և հոգեներգործուն նյութերի ապօրինի շրջանառության դեմ պայքարի մասին» ՄԱԿ-ի կոնվենցիայով սահմանված պարտավորությունները:  Անհրաժեշտ ենք համարում թմրամիջոց գործածող անձանց խնդիրների նկատմամբ պատշաճ ուշադրության ապահովումը՝ բուժմանը, կրթությանը, սոցիալական ինտեգրմանն ուղղված ծրագրերի, ռազմավարությունների իրականացումը:

Եթե խախտվել են Ձեր իրավունքները, կարող եք դիմել ՀՔԱ Վանաձորի գրասենյակ՝ անհրաժեշտ խորհրդատվություն ստանալու նպատակով:

 

Հելսինկյան Քաղաքացիական Ասամբլեայի Վանաձորի գրասենյակ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930