«Առավոտը» Բարձրագույն որակավորման հանձնաժողովի (ԲՈՀ) նախագահ Լիլիթ Արզումանյանին խնդրեց մեկ-երկու ցցուն փաստ բերել՝ առանց անուններ նշելու, գիտական աշխատանքների վատ որակի վերաբերյալ:
«Եթե ընդհանուր տխուր վիճակի պատճառը ցցուն մի քանի փաստերը լինեին, ես կասեի, բայց դրանք եղանակ չեն ստեղծում: Եթե գիտության գնահատման համակարգում գիտական աշխատանքը գրել են տալիս ու գրողը գիտնականն է, եթե «այդ աշխատանքով» հասցնում են պաշտպանության և հասցնողները գիտնականներն են, եթե «այդ աշխատանքով» պաշտպանում են և դրական քվեարկողները գիտնականներն են… էլ ցցուն փաստ մնա՞ց»,- ասաց տիկին Արզումանյանը:
ԲՈՀ-ի նախագահը այնուհետեւ հավելեց. «Այսօր պարզվում է, որ այս երևույթի դեմ պայքար մղողը ԲՈՀ-ն է ու մի քանի սրտացավ գիտնականներ: Ես համոզված եմ, որ մենք վերակենդանացման մեծ խնդիր ունենք հասարակության բոլոր բնագավառներում, որին պետք է լծվեն հայրենիքի ցավով ապրող հնարավորիս շատ մարդիկ: Յուրաքանչյուր գիտնական պետք է պատասխանատվություն կրի յուրաքանչյուր գիտական աստիճանի վկայագրի համար, յուրաքանչյուր գիտնական պետք է ընկալի դա որպես իր արժանապատվության խնդիր: Եվ ընդհանրապես` քանի դեռ յուրաքանչյուր հայ աղբը աղբամանում չի լցնում` իրավունք չունի լավ երկրում ապրելու հավակնություն ունենալ»:
Մանրամասները՝ հունիսի 28-ի տպագիր «Առավոտում»
Կարդացեք նաև
Գոհար ՀԱԿՈԲՅԱՆ
