ԲՀԿ անդամ, տնտեսագետ Վարդան Բոստանջյանը հույս չունի, որ էլեկտրաէներգիայի սակագինն ավելի կիջնի:
«Հայելի» ակումբում լրագրողների հետ հանդիպմանը պարոն Բոստանջյանը հիշեցրեց, թե քաղաքացիները մեկ տարի առաջ համակերպվել էին հոսանքի սակագնի բարձրացմանը միայն այն պատճառով, որ հայտարարվել էր, թե դա ժամանակավոր է:
Սակայն ըստ պարոն Բոստանջյանի` այժմ էլ 2.58 դրամով նվազեցումը շատ բան չի փոխում. յոթ դրամի փոփոխություն չեղավ:
Միևնույն ժամանակ պարոն Բոստանջյանը հորդորում է այս իրավիճակում մի լավ բան տեսնել. «Բոլոր դեպքերում ուզում եմ մտածել, որ ցանկացած իրավիճակում պետք է գոնե փնտրել փոքրագույն լավը: Այս պարագայում դա այն է, որ գոնե հոսանքի սակագինն ավելի չի թանկացել, կարող էր չէ՞, ավելի թանկանալ»:
Կարդացեք նաև
ՀՀԿ խմբակցության պատգամավոր Սուքիաս Ավետիսյանը վստահեցրեց, որ սակագնի վերանայման հարցում սա վերջին հնարավորությունը չէ. «Սեփականատերերը մեծ ներդրումներ են սկսել անել համակարգում. դա հնարավորություն կտա, որ առաջիկայում խուսափենք կորուստներից, և միգուցե նորից հնարավոր կլինի սակագնի վերանայման քաղաքականությանը վերադառնալ»:
Տաթև ՀԱՐՈՒԹՅՈՒՆՅԱՆ
