«Կոնսենսուս լինում է հանուն քաղաքականության եւ վստահության: Այն, որ այդ կոնսենսուսը գումար է պահանջում, դա փաստ է»,- խորհրդարանում լրագրողների հետ զրույցում ասաց Կառավարության աշխատակազմի ղեկավար-նախարար Դավիթ Հարությունյանը`չհամաձայնելով լրագրողի դիտարկման հետ, թե Ընտրական օրենսգրքի շուրջ իշխանությունների եւ ընդդիմության միջեւ կայացած համաձայնությունը կոնսենսուս էր հանուն փողի:
Հարցին՝ եթե չհաջողվի անհրաժեշտ գումարները գտնել, ի՞նչ է լինելու, Դավիթ Հարությունյանը պատասխանեց. «Եթե գումարներ չեղան, այդ համաձայնագիրն առոչինչ է եւ կգործի գործող Ընտրական օրենսգիրքը, որոշ բարելավումներով: Այդ գումարները գտնելու եղանակներն էլ ամրագրված են համաձայնագրում: Հստակ նշված է, որ այս համաձայնագիրը հենց այն հիմքն է, որով թե ընդդիմությունը, թե իշխանությունը դիմում են դոնոր հանրությանը: Դրանից զատ, գնալ առանձին գումարներ ուզելն անթույլատրելի ենք համարում»:
Նա նաեւ տեղեկացրեց, դոնոր կազմակերպությունների մոտ շահագրգռվածություն կա Ընտրական օրենսգրքում բարեփոխումների իրականացման համար գումարներ տրամադրելու առումով:
Այլ մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
