Քաղաքագետ Լևոն Շիրինյանը վստահեցնում է, որ Ադրբեջանին փոխզիջելու ոչինչ չունենք, հակառակ դեպքում մենք չենք կարողանա ձնագունդը կանգնեցնել ու տանուլ կտանք:
«Հայելի» ակումբում լրագրողների հետ հանդիպմանը անդրադառնալով «հողեր հանձնելու մասին» խոսակցություններին` պարոն Շիրինյանը վրդովվեց. «Եթե խոսակցություններ էին գնում, որ պիտի այդ հողերը հետ տայինք, ինչո՞ւ էին ազատագրել այդ դեպքում… անվտանգության գոտին աշխատեց, բայց ոչ այն կազմակերպվածությամբ, ինչ մենք ունենք: Պատկերացրեք, Հորադիզի հատվածը հանձնած չլինեինք, Հադրութի որևէ հատված հանձնած լինեինք…»:
Քաղաքագետը նաև կարծում է, որ հայ ժողովուրդը «չաղացած» գեներալ չպետք է տեսնի:
Ղարաբաղյան հակամարտության կարգավորման հարցում Լևոն Շիրինյանը հստակ դիրքորոշում ունի. «Ռուսաստանին պետք է շարադրենք մեր պահանջները, և նա պարտավոր է բավարարել հայերի կենսական շահերը»:
Կարդացեք նաև
Ստատուս քվոյի պահպանման հարցով պարոն Շիրինյանն ասաց. «Մեզ պետք չէ ստատուս քվո, մենք պետք է հարձակվենք, ու Ադրբեջանը ոչնչանա»:
Հռոմի պապի այցելության առիթով պարոն Շիրինյանն ընդգծեց. «Մենք այս այցի տերը պետք է լինենք, միայն այդ դեպքում այցի արդյունքները կկարողանանք տեսնել»:
Տաթև ՀԱՐՈՒԹՅՈՒՆՅԱՆ
