Լրահոս
Օրվա լրահոսը

«Ներսում մենք հո գիտենք ով ինչ օդ ա շնչում, փոխե՛ք մի քիչ ձեզ». Մարգարիտ Եսայանը՝ ընդդիմադիրներին (Տեսանյութ)

Հունիս 27,2016 18:14

ՀՀԿ պատգամավոր Մարգարիտ Եսայանն այսօր ԱԺ-ում Ընտրական օրենսգրքում փոփոխություններ կատարելու նախագծի քննարկման ժամանակ հիշեց Վանո Սիրադեղյանի արտահայտությունը՝ «մանրամասն սիրելու հայրենիք». «Իմ տպավորությամբ, այս Ընտրական օրենսգիրքը դարձել է մանրամասն սիրելու նախագիծ»:

Մարգարիտ Եսայանն ասաց, որ առավոտից պատգամավորների ելույթներն է լսում՝ «արմանք-զարմանք բաներ են տեղի ունենում էս ամառվա շոգին». «4+4+4-ում քննարկվել է, համաձայնվել են, բայց էստեղ փորձում են Հռոմի պապից ավելի կաթոլիկ լինել եւ հայտարարություններ անել: Երեւի Հռոմի պապը մի քիչ շուտ գնաց: Հիմա ուզում եք ցույց տաք, որ ամեն մեկդ ավելի ընդդիմադի՞ր եք, է ցույց տվեք: Շոգ ա, մարդիկ ոչ մեկիդ հավեսը չունեն: Բոլորին գիտեն՝ ով ա ընդդիմադիր, ով ա ոչ ընդդիմադիր»:

Մարգարիտ Եսայանին վրդովվեցրել էր այն, որ պատգամավորները իբր նոր էին նկատել, որ դոնորների ֆինանսավորումից է կախված Ընտրական օրենսգրքի որոշ դրույթների իրականացումը. «Բոլորդ իռոնիկ ելույթներ ունեցեք, պուպուշ երեւացեք, դրսում ասեն՝ վա՜յ, էս ի՜նչ ուժեղ խոսաց: Բայց ներսում մենք հո գիտենք ով ինչ օդ ա շնչում: Մի արեք էս բաները, հասկացանք, էլի, փոխեք մի քիչ ձեզ»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930