Լրահոս
Օրվա լրահոսը

Էդվարդ Նալբանդյան. «Ո՞ւմ հավատանք`Ադրբեջանի՞ն, թե՞ միջազգային հանրությանը»

Հունիս 29,2016 21:21

Այսօր ԵԱՀԿ-ի գործող նախագահ, Գերմանիայի արտգործնախարար Ֆրանկ-Վալտեր   Շտայնմայերի եւ ՀՀ ԱԳ նախարար Էդվարդ Նալբանդյանի համատեղ ասուլիսում հարց հնչեց նաեւ այն մասին, որ պետերբուրգյան բանակցություններից հետո Ադրբեջանի նախագահ «գաղտնազերծումներ» արեց, Իլհամ Ալիեւը խոսեց Նախիջեւանի մասին:

Էդվարդ Նալբանդյանն ասաց, որ ամեն հանդիպումից հետո եռանախագահները հարցնում են`հնարավոր կլինի՞ հարգել ձեռք բերված պայմանավորվածությունները: Ինքն էլ առաջարկում է սպասել`մինչեւ ադրբեջանական պատվիրակությունը վերադառնա Բաքու եւ տեսնենք, թե ինչքա՞ն հնարավոր կլինի պայմանավորվածությունները պահել ու հետագայում գործողության մեջ դնել:

Անդրադառնալով Ալիեւի վերջին «գաղտնազերծումներին» էլ ասաց. «Ադրբեջանը ձեւացրեց, թե նման պայմանավորվածություններ չեն եղել: Դա եռանախագահների կարծիքն է: Դրանով փորձում է ասել, որ ՌԴ-ի, ԱՄՆ-ի եւ Ֆրանսիայի նախագահները կեղծարարությամբ են զբաղված, երբ համատեղ հայտարարության մեջ խոսում են այդ պայմանավորվածություններից»:

Էդվարդ Նալբանդյանը հիշեցնում է` Ադրբեջանը միակ երկիրն էր, որը վերջին երկու ամիսների ընթացքում երեք անգամ մերժեց հետաքննող մեխանիզմների տեղակայումը շփման գծում: Նա նաեւ նկատեց, որ այդ առաջարկները բազմիցս են հանձնվել կողմերին, բայց Ադրբեջանի ղեկավարությունը ձեւացնում է, թե որեւէ բան ոչ տեսել է, ոչ լսել: Նա համամիտ է համանախագահողներից մեկի այն կարծիքի հետ, որ Ադրբեջանը փորձում է «պարանը քաշել իր կողմ» կամ հանրային կարծիք ձեւավորել, թե այդ պայմանավորվածություններն իրենց ի նպաստ են:

Ըստ Էդվարդ Նալբանդյանի, ԼՂՀ-ի ապագայի համար օրինակ բերելով ժամանակին հայաշատ Նախիջեւանը, որը այսօր հայաթափված է, իսկ հայկական ժառանգությունը ոչնչացված է, հենց ապացույց է, թե ինչո՞ւ չի կարող բանակցությունների առարկա լինել ԼՂՀ-ի ինքնավարությունն Ադրբեջանի կազմում: Նա նաեւ հավելեց, որ բանակցություններում երբեք չենք քննարկել եւ չեն քննարկի`ԼՂՀ-ի ինքնավար մարզի տարբերակը Ադրբեջանի կազմում:  ԼՂՀ-ի ժողովուրդը ինքը պիտի որոշի իր ճակատագիրը, դա նաեւ եռանախագահներն են ամրագրել. «Ո՞ւմ հավատանք`Ադրբեջանի՞ն, թե՞ միջազգային հանրությանը»:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930