Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան անդրադարձել է Լեռնային Ղարաբաղի հակամարտության կարգավորմանը։ Այս մասին տեղեկացնում է Trend լրատվական գործակալությունը։
Զախարովան իր խոսքում ասել է, որ ողջունվում է ցանկացած երկրի կառուցողական դերը Արցախի հակամարտության կարգավորման գործում, ինչպես նաև նշել է, որ հակամարտության կարգավորման համար կան տարբեր ձևաչափեր. «Դա ԵԱՀԿ Մինսկի խումբն է, դա Հայաստանի և Ադրբեջանի միջև ուղիղ երկխոսությունն է և Հայաստանի, Ադրբեջանի և Ռուսաստանի նախագահների միջև բարձր մակարդակի հանդիպումներն են։ Դրանք բոլորը գործող մեխանիզմներ են»։