Aravot.am-ի հարցին, թե տեղեկություններ կան, որ Հարկային նոր օրենսգրքում մեծ փոփոխություններ են սպասվում ի շահ գործարարների, որոնք մի շարք խնդիրներ էին բարձրացրել բիզնեսին վնասող, ինչո՞ւ առաջին ընթերցմամբ օրենսգիրքն անցավ, երբ պիտի դեռ բարեփոխվի, Պետական եկամուտների կոմիտեի ղեկավար Հովհաննես Հովսեփյանն ասաց, որ ճիշտ է ընդունվել է, բայց բիզնես ներկայացուցիչների կողմից կան որոշակի առաջարկություններ, նկատառումներ. «Մենք փորձում ենք նրանց առաջարկությունները, դիտողությունները եւս հաշվի առնել` մինչեւ երկրորդ ընթերցումը»:
Ըստ պարոն Հովսեփյանի այդ ամբողջը հաշվի առնելուց հետո նոր միայն կարող ենք խոսել Հարկային նոր օրենսգրքի մասին. «Բայց մի բան ձեզ կարող եմ ասել, որ Հարկային նոր օրենսգիրքը մեկ նպատակ է հետապնդում, բարելավել ու նպաստել բիզնես միջավայրը եւ ավելի կառավարելի եւ տեսանելի դարձնել բիզնեսի հետագան»:
Լուսինե ԲՈՒԴԱՂՅԱՆ