Լրահոս
Օրվա լրահոսը

Րաֆֆի Ասլանյանը նշանակվեց Երեւան քաղաքի դատախազ

Հուլիս 09,2016 10:33

ՀՀ գլխավոր դատախազ Գեւորգ Կոստանյանի հրամանով այսօր Րաֆֆի Ասլանյանն ազատվել է Շիրակի մարզի դատախազի պաշտոնից՝ նշանակվելով Երեւան քաղաքի դատախազ:

Րաֆֆի Ասլանյանը Շիրակի մարզում պաշտոնավարեց մոտ 3 տարի՝ կարողանալով շատ արագ զսպել Գյումրիում անընդմեջ սկանդալներ սարքող քրեական հակում ունեցող երիտասարդներին: Նա աչքի ընկավ իր խստապահանջությամբ, անկաշառ լինելով, շիրակցի պաշտոնյաների հետ մտերմիկ հարաբերությունների մեջ չմտնելով ու լրատվամիջոցների հետ թափանցիկ աշխատելով:

Ինչպես երբեմն զարմացած նշում էին այս մարզի պաշտոնյաները՝ դատախազն իրեն շատ հեռու է պահում՝ չմասնակցելով միջոցառումների: Հիշեցնենք, որ նա Շիրակի մարզ գալու հենց առաջին օրը հայտարարել էր. «Իմ տեղացի չլինելը ինձ անկաշկանդ գործելու հնարավորություն է տալիս»:

Նշենք նաեւ, որ դատախազն իր պաշտոնավարման ընթացքում մասնակցում էր նաեւ Գյումրիի սոցիալական խնդիրների լուծման նպատակով իրականացվող բարեգործական միջոցառումներին: Գյումրեցի երիտասարդները Րաֆֆի Ասլանյանին ու նրա ընկերներին հիշում են անօթեւանության դեմ պայքարի համար իրականացվող «Մեկ բացիկ, մեկ բնակարան» ծրագրին ակտիվ մասնակցությամբ:

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2016
Երկ Երե Չոր Հնգ Ուրբ Շաբ Կիր
« Հուն   Օգո »
 123
45678910
11121314151617
18192021222324
25262728293031