Լրահոս
Օրվա լրահոսը

Սամվել Բալասանյանը հրճվանքի մեջ է. Գյումրիից 7-8 մարզիկի Ռիո դե Ժանեյրո են ճանապարհում (Տեսանյութ, ֆոտոշարք)

Հուլիս 12,2016 21:15

Այսօր Գյումրու քաղաքապետն ընդունեց Վենեսուլայում հաղթանակած ու օլիմպիական ուղեգրով եւ մրցաշարի ոսկե մեդալով գիշերը Գյումրի վերադարձած բռնցքամարտիկ Հովհաննես Բաչկովին: «Պատկերացրեք էս փոքր քաղաքից վեց մասնակից ունենք օլիմպիական խաղերի, թեև Հայաստանից 33 մասնակից են, սա ռեկորդ է: Ափսոս, չեմ կարող ես գալ, չնայած մեծ ցանկություն ունեմ, Բրազիլիայում չեմ եղել, ափսոս, բայց օլիմպիական կոմիտեի նախագահը՝ Ծառուկյանը կգա ձեր հետ, սպասենք լավ խաբարի: Ես հույս ունեմ Գյումրի Ռիոից ոսկե մեդալներ կմտնեն, ի՞նչ կարծիքի ես Բաչկով»,-հարցրեց Գյումրու քաղաքապետը: Տեսնելով, որ Բաչկովը շատ համեստ է իրեն պահում, ոչ մի ավելորդ խոստում չի տալիս, Սամվել Բալասանյանը շարունակեց. «Բաչկով, մի բան ասա, խոստում չունե՞ս տալու»: Այնուհետ բռնցքամարտիկին խստորեն պատվիրեց. «Խոստացի, որ խփելու ժամանակ ինձ խոստում ես տվել, նոկաուտ կանես»:

Balasanyan_1 Balasanyan_2 Balasanyan_3 Balasanyan_5

Այնուհետ շամպայնի բաժակներ բարձրացրեցին՝ շնորհավորելով Բաչկովի հաղթանակն ու հաջողություն մաղթելով մեր մասնակիցներին:

Շիրակի մարզպետարանի մշակույթի ու սպորտի բաժնի պետ Վաչիկ Վարդանյանը մեզ հետ զրույցում ասաց, որ Գյումրիից օգոստոսին 5-ին Ռիո դե Ժանեյրոյում մեկնարկելիք օլիմպիական խաղերին այս պահի դրությամբ կմասնակցեն 7 մարզիկ, հնարավոր է թիվն ավելանա, դառնա 8: «Ամալյա Շառոյանը՝ աթլետիկա, Արթուր Ալեքսանյանը՝ հունահռոմեական ըմբշամարտ, Հովհաննես Դավթյանը՝ ձյուդո, բռցաքամարտիկներ Հովհաննես Բաչկով, Արթուր Հովհաննիսյան, այս պահի դրությամբ ունենք երկու ծանրամարտիկ՝ Նազիկ Ավդալյանը, Գոռ Մինասյանը, 8-րդը ծանրամարտիկ է լինելու, վերջին ուսումնամարզական հավաքի ժամանակ որոշվելու է նրա անունը, հավանական է կլինի մեր ծանրորդը՝ Քրիստինե Պետրոսյանը: Գիտեք, որ Հռիփսիմե Խուրշուդյանին 2008 թվականի դոպինգ ստուգման արդյունքում թույլ չեն տվել մասնակցել օլիմպիական խաղերի, իսկ Հայաստանի հավաքականը ուներ երկու ուղեգիր, մասնակիցներից մեկը մեր Նազիկ Ավդալյանն է, քանի որ Հռիփսիկի հարցը դուրս է եկել, հիմա նրանք ուսումնամարզական հավաքի են, կորոշվի՝ ով է լինելու», -ասաց Շիրակի մարզպետարանի պաշտոնյան:

Ի դեպ, Հովհաննես Բաչկովը մեզ հետ զրույցում ասաց, որ չի ուզում խոստումներ տալ, երբ կանխատեսումներ է անում ու խոստումներ տալիս, դրանք շատ վատ են անդրադառնում իր վրա: Սակայն, նա ասաց, որ առավելագույնս կանի հայ ազգին ուրախություն պարգևելու համար:

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2016
Երկ Երե Չոր Հնգ Ուրբ Շաբ Կիր
« Հուն   Օգո »
 123
45678910
11121314151617
18192021222324
25262728293031