ԺԱԿ հայտարարությունը Գյումրու ՏԻՄ ընտրությունների վերաբերյալ
Իր հերթական նիստում անդրադառնալով ՀՀ տեղական ինքնակառավարման մարմինների առաջիկա ընտրություններում Հայաստանի Հանրապետական կուսակցության (ՀՀԿ) Շիրակի մարզային կառույցի և Հայաստանի քրիստոնեա-դեմոկրատական միություն (ՀՔԴՄ) կուսակցության՝ դաշինք կազմելու մասին հայտարարությանը՝ Ժողովրդավարություն և Աշխատանք կուսակցության (ԺԱԿ) նախագահությունը ողջունել է այդ նախաձեռնությունը և որոշել ակտիվորեն մասնակցել Գյումրու ավագանու ընտրություններին ու միավորվել ՀՀԿ թեկնածու, Գյումրու գործող քաղաքապետ Սամվել Բալասանյանի շուրջ ձևավորվող նախընտրական դաշինքում:
Որպես սույն որոշման հիմնավորում՝ ԺԱԿ նախագահությունը անվերապահորեն կարևորել է թե՛ վերջին տարիներին Գյումրու համայնքային կյանքում արձանագրված համակողմանի առաջընթացի միտումները, թե՛ նաև ՀՀԿ-ի և նրա խորհրդարանական խմբակցությանը մաս կազմող մյուս կուսակցությունների հետ համագործակցության էլ ավելի ակտիվացումն ու սերտացումը:
ԺԱԿ մամլո ծառայություն
Կարդացեք նաև
«Առավոտի» կողմից հիշեցնենք, որ ավելի վաղ համանման հայտարարություններով հանդես են եկել նաեւ «Ազգային միաբանություն» եւ ՍԻՄ կուսակցությունները, որոնց ղեկավարները նույնպես, ինչպես ԺԱԿ կուսակցության ղեկավար Սպարտակ Մելիքյանը (լուսանկարում)՝ ՀՀԿ խմբակցության պատգամավորներ են:
