Մի քանի տասնյակ հասարակական գործիչներ Հայաստանից ու Արցախից դատապարտում են Ադրբեջանին հող զիջելու իշխանությունների դիրքորոշումը, այդ թվում՝ նաև մինչև ապրիլի 1-ի դրությամբ հայկական ուժերի հսկողության ներքո եղածը: Նրանք պահանջում են վերաձևակերպել բանակցային գործընթացում որդեգրած սկզբունքները:
Ապրիլյան պատերազմից հետո ժողովրդի մի մասը խոսում է, որ պատերազմը պայմանավորված է եղել: Ասում է Արցախի խորհրդարանի նախկին պատգամավոր Վահան Բադասյանը՝«ԼՂՀ հիմնահարց. վտանգներն ու մարտահրավերները արդի փուլում» Շուշիում հրավիրված քննարկման ժամանակ:
«Մենք պարտավոր ենք հետ վերցնել կորցրած դիրքերը և խոսքն առաջին հերթին վերաբերում է Թալիշին: Հակառակ դեպքում մենք դավաճանում ենք մեր զոհերին, մեր դիրքերը: Այս խոսակցություններին հաջորդեց ճնշում արցախցիների վրա, որ դիրքերը պետք է զիջել»:
Ըստ նրա՝ անընդունելի է խաղաղության հաստատման մասին մտածել տարածքներ զիջելու եղանակով:«Ինչ է նշանակում զիջել տարածքը, որ խաղաղություն լինի, մենք չենք կարող վստահել Ադրբեջանին, մենք գտնում ենք, որ ոչ մի զիջում պիտի չլինի, սրանք ոչ թե ռոմանտիկ բառեր են, քանի որ եթե Ադրբեջանը խոշտանգել է դիակներ, ոչնչացրել Արցախի ժողովրդին, չի կարող գործել տարածքային ամբողջականության սկզբունքը, պետք է գործի միայն ժողովուրդների ինքնորոշման սկզբունքը»,- կարծում է պարոն Բադասյանը:
Կարդացեք նաև
Նրա վստահեցմամբ՝ պարտվողական քաղաքականությունը հասարակական դեգրադացման է բերում. «Մենք պետք է միասնական դիրքորոշում ձեռք բերենք՝ հանուն հայության»:
Նյութն ամբողջությամբ՝ սկզբնաղբյուր կայքում
