Այսօր Գյումրու Թատերական հրապարակում մի խումբ մտավորականների կողմից հանրային քննարկում է ծավալվել հանրապետությունում ստեղծված իրավիճակի շուրջ: Վերջիններս հորդորել են իրավապահներին գտնել արյունահեղությունը բացառող ելքեր ու հանդես են եկել հայտարարությամբ:
Մենք՝ Գյումրիում բնակվող ՀՀ քաղաքացիներս՝
1. Հայտնում ենք մեր ցավակցությունը զինված բախման արդյունքում զոհված ոստիկան Արթուր Վանոյանի ընտանիքին և հարազատներին:
2.Կոչ ենք անում իրավապահ մարմիններին եւ «Սասնա ծռեր» խմբին իրավիճակի խաղաղ հանգուցալուծման տանող և արյունահեղությունը բացառող ելքեր գտնել:
Կարդացեք նաև
Պահանջում ենք
3. անհապաղ ազատ արձակել ապօրինի բերման ենթարկված և ձերբակալված ՀՀ բոլոր քաղաքացիներին, դադարեցնել ՀՀ ոստիկանության ապօրինի գործողությունները և չչարաշահել «օրինական պահանջ», «հրավիրում ենք բաժին» և այլ նման արտահայտություններ, չխախտել օրենսդրության պահանջները:
4. ՀՀ քաղաքացիների նկատմամբ բռնի գործողություններ իրականացրած ոստիկաններին ենթարկել պատասխանատվության:
5. Չկրկնել ՀՀ-ում համացանցային տեղեկատվության հասանելիության սահմանափակման փորձերը:
6. Անհապաղ հրապարակել պաշտոնական դիրքորոշում իրավիճակի վերաբերյալ ՀՀ նախագահի մակարդակով:
7. Ապահովել տեղեկատվություն հաղորդելու «Սասնա ծռեր» խմբի հնարավորությունը բոլոր լրատվամիջոցներով:
8. Իրականացվող փոխզիջումների մասին տրամադրել հստակ տեղեկատվություն, այդ թվում բաց թողնված պատանդների և ՀՀ ոստիկանության համարժեք քայլերի մասին:
9. Վերահաստատում ենք մեր կողմից բազմիցս հնչած պահանջը՝ ազատ արձակել ՀՀ բոլոր քաղ.բանտարկյալներին: Բացառել քաղաքական դրդապատճառներով ՀՀ քաղաքացիների քրեական պատասխանատվության ենթարկելու գործողությունները և վերաքննել նմանատիպ ռիսկայնություն ունեցող բոլոր գործերը:
Մեր պահանջների չիրականացման դեպքում մենք՝ ՀՀ քաղաքացիներս մեզ ազատ ենք համարում օրենքով չարգելված միջոցներով:
Գյումրու մտահոգ քաղաքացիներ
Նունե ԱՐԵՎՇԱՏՅԱՆ
