Լրահոս
Օրվա լրահոսը

«Բոլոր մեղավորներին կպատժենք, էսքան մի՛ կասկածեք». Հունան Պողոսյան. (Ֆոտոշարք եւ տեսանյութ)

Հուլիս 18,2016 23:22

Ինչպես արդեն հայտնել ենք, Ազատության հրապարակում ու Հյուսիսային պողոտայում քաղաքացիների եւ ոստիկանների միջեւ տեղի ունեցած բախումը կանխեց Հունան Պողոսյանը:

Մինչ այդ Հյուսիսային պողոտայում իսկական խուճապ էր:

boroqi-akcia_99 boroqi-akcia_999 boroqi-akcia_91 boroqi-akcia_92 boroqi-akcia_9

Ուշագրավ էր Հունան Պողոսյանի արած մի քանի հայտարարություններն ու խոստումները: Նա ասաց. «Նորմալ, բնականոն բանակցություններ են Էրեբունիում ընթանում: Այս պահի դրությամբ ներսում գտնվող մարդկանց հետ որեւէ հատուկ միջոցառում ծրագրված չի իրականացնել: Ձեր անխոհեմ քայլով կրքեր եք բորբոքում»:

Ավետիք Իշխանյանը հարցրեց՝ ուժային միջոցների չե՞ն դիմելու, երաշխավորո՞ւմ են՝ Հունան Պողոսյանը ձեռքը առաջ տնկելով բարկացած ասաց. «Ո՛չ, բանակցություննե՛ր են ընթանում»:

boroqi-akcia_96

boroqi-akcia_94

boroqi-akcia_93

Մի ակտիվիստ նույնպես պնդեց՝ երաշխավորե՛ք: Հունան Պողոսյանը պատասխանեց. «Դրա համար եկել հասել եմ այստեղ: Մեր աշխատողների ցանկացածի դեմքից կարող եք տեսնել՝ մտազբաղ են»:

Ակտիվիստները հեգնեցին՝ «Հա՜, ոստիկանության պետից սկսած»:

Քաղաքացիները պատմում էին, թե ոստիկանները ինչ միջոցների են դիմել, ինչպես են ծեծի ենթարկել՝ բերման ենթարկելիս: Հունան Պողոսյանը խոստացավ՝ բոլոր մեղավորներին մենք կպատժենք, ոստիկանապետը կպատժի. «Բոլորի՛ն, էսքան մի՛ կասկածեք»:

Ակտիվիստները թերահավատ էին՝ ինչքան Բաղրամյանի դեպքերից հետո պատժեցիք, այդքան էլ հիմա կպատժեք:

Հունան Պողոսյանը ակտիվիստներին խոստացավ, որ այսօր բոլոր բերման ենթարկվածներին բաց կթողնի: Մի քանիսին տեղում ավտոմեքենաներով հետ բերեցին ու ազատ արձակեցին:

Ակտիվիստները շարունակեցին իրենց ցույցը՝ հետ վերադառնալով Ազատության հրապարակ:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2016
Երկ Երե Չոր Հնգ Ուրբ Շաբ Կիր
« Հուն   Օգո »
 123
45678910
11121314151617
18192021222324
25262728293031