Դավիթ Սանասարյանը եւ Անդրանիկ Ասլանյանը այժմ գտնվում են Հանրապետական բժշկական կենտրոնում եւ ենթարկվում են բուժզննության:
Aravot.am-ը հետաքրքրվեց հիվանդների առողջական վիճակով, որին ի պատասխան Դավիթ Սանասարյանը ասաց, որ գլխի հատվածից մինչեւ ոտքերը կապտուկներ են: Նրա խոսքերով Անդրանիկին երկու անգամ ավելի են հարվածել ոստիկանները բերման ենթարկելուց հետո:
«Ոստիկանական մեքենայից, երբ գլուխս դուրս հանեցի եւ լրագրողների միջոցով կոչ արեցի քաղաքացիներին միանալ, այդ ժամանակ ստացա առաջին հարվածը բերանիս շրջանում, որից հետո ես հայհոյել եմ իրենց եւ նրանք սկսեցին ե՛ւ հայհոյել, ե՛ւ ոտքով գլխիս, կոնքերիս խփել»,-ասաց Դավիթ Սանասարյանը:
Կարդացեք նաև
Նրա հաղորդմամբ, նրանք դեռեւս կմնան հիվանդանոցում, քանի որ բուժզննությունը երկար է տեւելու:
Լուսանկարները` Դավիթ Սանասարյանի ֆեյսբուքյան էջից:
Անուշ ՄԱԹԵՎՈՍՅԱՆ
