Լրահոս
Օրվա լրահոսը

Արմեն Մարտիրոսյանը ցուցարարներին հիշեցրեց Ադրբեջանի վաղեմի երազանքը (Տեսանյութ)

Հուլիս 21,2016 22:20

«Մտավախություն ունեմ, որ պետականություն կկորցնենք, իսկ դա մեր ֆիզիկական ոչնչացման մասին է խոսում: Ադրբեջանը ունեցել է վաղեմի երազանք` անպայման Թուրքիայի հետ միավորված լինել, իսկ այդ միավորումը տեղի է ունենալու Հայաստանի` հայկական հողերի միջոցով: Դրա համար բոլորս պետք է պահանջենք իշխանություններից, որ ազատամարտիկների նշած կետերը, որոնք տարիներ շարունակ բարձրաձայնել է ժողովուրդը, կյանքի կոչվեն»,- Խորենացի փողոցում հավաքված ցուցարարներին դիմելով` հայտարարեց «Ժառանգություն» կուսակցության փոխնախագահ Արմեն Մարտիրոսյանը:

«Անհրաժեշտ է նոր իշխանության ձեւավորում: Պետք է ժողովրդի վստահությունը վայելող Կառավարություն, որը համապետական ընտրությունների միջոցով պետք է լեգիտիմ իշխանություն ձեւավորի»,-ասաց նա:

Մարտիրոսյանը նկատեց, որ «Սասնա ծռեր»-ի պահանջները նոր չեն, դրանք տարիներ շարունակ փորձել են երթերով, հանրահավաքներով, իշխանության հետ բանակցելով եւ ընտրությունների միջոցով իրականացնել. «Ոչ միայն ընտրական օրենսգիրքն է կեղծվել, այլեւ ցանկացած տարրական հարց` բնապահպանություն, կրթություն, քաղաքաշինություն»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2016
Երկ Երե Չոր Հնգ Ուրբ Շաբ Կիր
« Հուն   Օգո »
 123
45678910
11121314151617
18192021222324
25262728293031