Լրահոս
Օրվա լրահոսը

Զարուհի Փոստանջյանը Խորենացու փողոցում սպասում է ոստիկանների պատասխանին

Հուլիս 25,2016 18:50

Քիչ առաջ ոստիկաններին մոտեցավ ԱԺ պատգամավոր Զարուհի Փոստանջյանը: Նա ցանկանում էր ՊՊԾ գնդի տարածքում գտնվող «Սասնա ծռեր» խմբի անդամներին սնունդ փոխանցելու իրավունք ստանալ:

Արգելապատնեշի մոտ կանգնած ոստիկանները խոստացել են, որ պատգամավորի ցանկությունը կփոխանցեն ղեկավարությանը:

Հիշեցնենք, որ այսօր առավոտյան Ալեք Ենիգոմշյանը հայտարարություն էր արել, որ ՊՊԾ գնդի տարածքում գտնվող «Սասնա ծռերի» անդամների սնունդը սպառվել է կամ սպառվելու վրա է, ինչպես նաեւ անջատված է էլեկտրաէներգիան, եւ նրանք զրկված են «արտաքին աշխարհի հետ կապի միջոցներից»:

Պարոն Ենգիգոմշյանը ԱԱԾ-ին, այսպես ասած, ժամանակ է տվել՝ մինչեւ ժամը 20:00-ն այդ հարցերը կարգավորելու կամ պարզելու համար, հակառակ դեպքում խոստացել է Երեւանում եւ հանրապետության այլ վայրերում անհնազանդության տարբեր միջոցառումներ իրականացնել:

Ըստ ամենայնի, Զարուհի Փոստանջյանը հիմա Խորենացու փողոցում է գտնվում՝ արձագանքելով Ալեք Ենիգոմշյանի հիշյալ հայտարարությանը:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2016
Երկ Երե Չոր Հնգ Ուրբ Շաբ Կիր
« Հուն   Օգո »
 123
45678910
11121314151617
18192021222324
25262728293031