2016թ. հուլիսի լույս 16-ին Թուրքիայում տեղի ունեցած զինվորական հեղաշրջման փորձից հետո թուրքական իշխանությունները կոչ արեցին հասարակությանը դուրս գալ քաղաքների հրապարակները և թույլ չտալ զինվորականներին զավթել իշխանությունը։ Այս կոչից հետո քաղաքացիները մինչև օրս շարունակում են հրապարակներում մնալ և իրենց բնութագրմամբ՝ «պաշտպանել ժողովրդավարությունը»։ Այս մասին տեղեկացնում է թուրքական «Անադոլու» լրատվական գործակալությունը։
Թուրքիայի իշխանությունների կոչով փողոց դուրս եկածների շարքերում է նաև 113 տարեկան Այշե Քարաբուբերը։ Տարեց այդ կնոջ մասին անդրադարձում լրատվամիջոցը նշում է, որ 113 տարեկան տատիկին մեքենայով հրապարակ են բերել թոռները։ Կարելի է լսել, թե ինչպես է տարեց կինը աղոթում հայրենիքի համար, իսկ նրա ձեռքերում կարելի է տեսնել թուրքական դրոշը։
