Լրահոս
Օրվա լրահոսը

ՊՊԾ գնդում վիրավորված Աշոտ Պետրոսյանի պաշտպաններին թույլ չեն տալիս տեսակցել նրա հետ

Հուլիս 26,2016 14:28

Աշոտ Պետրոսյանի պաշտպաններ Հայարփի Սարգսյանին եւ Արայիկ Պապիկյանին այս պահին թույլ չեն տալիս տեսակցել իրենց պաշտպանյալի հետ եւ նրան տեղեկացնել, որ այլեւս իրենք են ներկայացնելու իր շահերը: Այդ մասին Aravot.am-ի հետ զրույցում ասաց պաշտպաններից Հայարփի Սարգսյանը:

Հիշեցնենք, Աշոտ Պետրոսյանը վիրավորվել է երեկ, ՊՊԾ գնդում փոխհրաձգության արդյունքում: Այս պահին նա գտնվում է «Էրեբունի» հիվանդանոցում:

Ըստ Հայարփի Սարգսյանի, հիվանդանոցի տնօրինությունը չի արգելել Աշոտ Պետրոսյանի հետ տեսակցությունները, այսինքն, առողջական վիճակի հետ կապված խնդիր չկա: «Հիվանդանոցի ներքին անվտանգությունից զինված մարդիկ կան, որ մեզ փոխանցեցին` չենք թողնում եւ վերջ: Որեւէ բացատրություն չեն տալիս»:

Այս պահին, Աշոտ Պետրոսյանի մոտ են գտնվում նրա հարազատները եւ ՄԻՊ գրասենյակի ներկայացուցիչները: Փաստաբանն ասաց, որ նրանց խնդրել են, որպեսզի Աշոտ Պետրոսյանին տեղեկացնեն, որ այսուհետ իր շահերը ներկայացնելու են Հայարփի Սարգսյանը եւ Արայիկ Պապիկյանը: Պաշտպաններն այս պահին ոչինչ չեն պատրաստվում ձեռնարկել, քանի որ քննչական գործողություն չի իրականացվում:

Ավելի ուշ, երբ Աշոտ Պետրոսյանի հետ քննչական գործողություններ կիրականացնեն եւ պաշտպաններին թույլ չեն տա ներկա լինել`նրանք կհայտարարեն իրենց քայլերի մասին:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Հուլիս 2016
Երկ Երե Չոր Հնգ Ուրբ Շաբ Կիր
« Հուն   Օգո »
 123
45678910
11121314151617
18192021222324
25262728293031