Այս պահին Ազատության հրապարակում բազմություն է սկսում հավաքվել: Հանրահավաքն առայժմ չի սկսել, քանի որ Հակաճգնաժամային խորհրդի համակարգողներից շատերը՝ Դավիթ Սանասարյան, Լեւոն Բարսեղյան, Արմեն Մարտիրոսյան, Ալեք Ենիգոմշյան, բերման են ենթարկվել:
Րոպեներ առաջ Ազատության հրապարակ եկավ ԱԻՄ առաջնորդ Պարույր Հայրիկյանը, որին հավաքված ակտիվիստները շատ վատ ընդունեցին: Մարդիկ բղավում էին՝ «Հայրիկյա՛ն, հեռացի՛ր, Հայրիկյա՛ն, հեռացի՛ր»: Հետո սկսեին սուլել:
Հայրիկյանը բացատրեց «Ստեղ մի 4-5 սադրիչ օյին են սարքում, որովհետեւ առողջ մարդը գիտի, որ երեկ բոլորս գնացել ենք տուն»:
Հիմնադիր խորհրդարանի անդամ Հրաչիկ Միրզոյանը հայտարարեց. «Համաժողովրդական այդ ընդվզումը ղեկավարելու համար եղել է քաղաքացիական նախաձեռնություն, որը կոչվել է Հակաճգնաժամային նախաձեռնության խորհուրդ: Մենք գիտենք, որ գտնվում ենք խորը իշխանական չճգնաժամի մեջ, իշխանության դեֆիցիտի մեջ, այսինքն, ժողովրդի մի ստվար հատված այլեւս չի ուզում կառավարվել գործող իշխանության ն կողմից: Դրա համար ստեղծվել է այդ խորհուրդը, որ ձեւակերպվեն այն քաղաքական պահանջները, որոնք ձեր անունից պետք է ներկայացվեն իշխանություններին՝ ձեր համաձայնությամբ: Գործող վարչակազմը համակարգված ձեւով գլխատեց նախաձեռնությունը»:
Կարդացեք նաև
Հավաքվածներից մեկը չհամաձայնեց՝ գոռալով՝ ես գլխատված չեմ, մենք բոլորս մի մարդ ենք:
Հռիփսիմե ՋԵԲԵՋՅԱՆ
