14ի դատավոր Ի. Բեգլարյանը որոշում է կայացրել վերսկսել Գորիսի քաղաքապետի նախկին թեկնածու Տիգրան Կարապետյանի՝ մարզպետի խորհրդական, Արցախյան հերոսամարտի պահեստազորի գնդապետ Վոլոդյա Հովհաննիսյանի եւ երրորդ անձ «Առավոտ» օրաթերթի դեմ հայցի քննությունը:
Երեկ տեղեկացանք, որ դատական նիստը նշանակվել է հոկտեմբերի 13-ին, Սիսիանի նստավայրում:
Ինչպես տեղեկացրել էինք, անցյալ տարվա հունիսի 18-ին Տիգրան Կարապետյանի ներկայացուցիչ, ՀՀ փաստաբանների պալատի անդամ Տիգրան Մուրադյանը դիմել էր դատարան, վիրավորանք հասցնելու, լրատվության միջոցով հրապարակային ներողություն խնդրելու, զրպարտություն համարվող փաստացի տվյալները լրատվամիջոցով հերքելու պահանջի մասին:
Հայցի հիմքը՝ www.aravot.am-ում անցյալ տարվա մայիսի 12-ի «Սուրիկ Խաչատրյանին սպառնո՞ւմ են» հրապարակումն է: Հայցադիմումում հայցվորը հիշեցնում է, որ մինչ մեր լրատվամիջոցի հրապարակումը, 1in.am-ին քաղաքապետի նախկին թեկնածուն ասել էր. «Խելքդ հավաքիր, Լիսկա», ինչն ըստ մարզպետի խորհրդականի մեր լրատվամիջոցին տված հարցազրույցի՝ մեկնաբանվել էր այսպես. «Որոշ ուժեր վախենում են Սուրիկ Խաչատրյանի օբյեկտիվ մոտեցումներից, ու արդեն այն աստիճան են լկտիանում, որ սպառնում են մարզպետին: Ոմն Տիգրան Կարապետյանը, որը Գորիսում ժառանգել է իր հոր գործարանը, նա անգամ ՀՀ-ում չի ծատայել եւ իրենից ոչինչ չի ներկայացնում…»:
Հայցադիմումն ընդունվել էր վարույթ անցյալ տարվա հունիսի 19-ին, իսկ անդրանիկ դատական նախնական նիստը նշանակվել էր մեկ ամիս հետո՝ հուլիսի 17-ին:
2015թ. դեկտեմբերի 16-ին դատարանը որոշել է անցնել դատաքննություն:
Կարդացեք նաև
Նախնական դատական նիստերին «Առավոտը» ներկայացուցիչ չի ունեցել, իսկ դատաքննության փուլում՝ այս տարվա մայիսից ներկայացուցիչը՝ տողերիս հեղինակն է:
Այս տարվա մայիսի 17-ին դատարանին էր դիմել մարզպետի խորհրդական, պատասխանող Վոլոդյա Հովհաննիսյանը, հայտնելով, որ գտնվում է սահմաններում, այդ իսկ պատճառով դատարանը «ռազմական դրության մեջ գտնվող, զինված ուժերի կազմում գտնվելու» պատճառաբանությամբ կասեցրել էր գործի քննությունը:
Հուլիսի 18-ին դատարան էր դիմել Վ.Հովհաննիսյանը՝ խնդրելով նշանակել դատաքննություն, վերսկսել հայցի քննությունը:
Եվ քանի որ գործի կասեցման հիմքերը վերացել էին, դատարանը գործի քննությունը կվերսկսի:
Ռ. ՄԻՆԱՍՅԱՆ
«Առավոտ»
27.07.2016
