Լրահոս
Օրվա լրահոսը

Ոստիկանների մարտական մեքենաներն ու բարիկադները՝ Էրեբունիում. (Ֆոտոշարք)

Հուլիս 28,2016 18:35

Էրեբունի եւ Նուբարաշեն համայնքների ընդհանուր իրավասության դատարանում այսօր օֆշորի հայտնի գործով դատական նիստն էր: Քանի որ դատարանը գտնվում էր Խորենացի 162 ա հասցեում, ոստիկանները ամեն դատարան մտնողին ծայրից ծայր ստուգում էին, ով ես, ինչացու ես, ինչի համար ես տարածքում, գործով վկա՞ ես, փաստաբան ես:

Խորենացի տանող բոլոր զուգահեռ փողոցները փակ են: Մեքենաների ելումուտ չկա, իսկ քաղաքացիական անձանց թույլ են տալիս տարածքից բավականին հեռավորության վրա գտնվել խաչաձեւ հարցումներից, անձը հաստատող փաստաթղթեր ստուգելուց հետո:

Ավելին՝ դատական կարգադրիչներին կանչում էին, որ վերջիններս դեմքով ճանաչեին դատական գործի մասնակիցներին, նոր թողնեին դատարանին հարակից տարածք մտնել:

Khorenaci_5

Khorenaci_4

Khorenaci_2

Khorenaci_1

Khorenaci_6

Էրեբունու կողմից տարածքը ոստիկանները բարիկադավորել են բազմաթիվ պարկերով, տանկերով ու մեքենաներով: Տարածքում կան մարտական մեքենաներ, զինված ոստիկաններ:

Այս լուսանկարներն անելիս ոստիկանները փորձեցին խոչընդոտել՝ ո՞վ է թույլ տվել նկարել: Ավելի ուշ խնդրեցին տարածքից հեռանալ՝ ասելով. «Այստեղ կրակում են»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2016
Երկ Երե Չոր Հնգ Ուրբ Շաբ Կիր
« Հուն   Օգո »
 123
45678910
11121314151617
18192021222324
25262728293031