Թուրքագետ Հակոբ Չաքրյանի մեկնաբանմամբ, Թուրքիայի իշխանությունները շարունակում են ծանր իրավիճակից դուրս գալու փորձեր կատարել` փորձելով էլ ավելի բարելավվել ՌԴ հետ հարաբերությունները:
Թուրքիայի նախկին վարչապետ Ահմեթ Դավութօղլուի հայտարարությունը, թե հենց ինքն է տվել հրամանը, որը կատարելով թուրքական զինված ուժերը անցած տարվա նոյեմբերին կործանել են ռուսական Սու-24 ռմբակոծիչը, ըստ թուրքագետի, հենց ՌԴ հետ հարաբերությունները կարգավորելու ու ստեղծված իրավիճակից դուրս գալու նպատակով է:
«Քանի որ Դավութօղլուն այլեւս վարչապետ չէ, նրան ասել են, ինքն էլ իր վրա է վերցրել, հիմա ուզում են Դավութօղլուի վրա բարդել: Սիրիական քաղաքականությունն էլ նրա վրա կբարդեն, որ կարողանան Սիրիայի հետ էլ հարաբերությունները բարելավել»,- մեզ հետ զրույցում ասաց թուրքագետը:
Թուրքագետը ռուս-թուրքական հարաբերությունների բարելավման հիմքում չի տեսնում ռուսական Սու-24 ռմբակոծիչի կործանումից հետո Թուրքիայի իշխանություններին ներկայացրած ՌԴ նախապայմանները. «ՌԴ նախագահ Պուտինը երեք նախապայման էր ներկայացրել թուրքական իշխանություններին՝ պաշտոնական ներողություն Թուրքիայի կողմից, փոխհատուցում վճարել ՌԴ-ին ու պատժել ինքնաթիռի կործանման պատասխանատուներին, բայց. ոչ մի նախապայմանն էլ չկատարվեց: Թուրքիան առաջարկեց փոխհատուցում զոհված օդաչուի ընտանիքին ու ընդամենը նամակով Պուտինին ասաց՝ ներող եղեք»:
Կարդացեք նաև
Արփինե ՍԻՄՈՆՅԱՆ
