Երևանի ոստիկանապետ Աշոտ Կարապետյանը հորդորեց հեռանալ «Ժառանգություն» կուսակցության փոխնախագահ Արմեն Մարտիրոսյանին ու տանել ժողովրդին: Նա ասաց, որ արդեն վնասված ոստիկան կա, քանի որ քարեր են նետվել: Արմեն Մարտիրոսյանը, սակայն, պնդեց, որ սադրիչներ են հրահրումներ արել:
Աշոտ Կարապետյանը շարունակեց բանակցել Գյումրու լրագրողների «Ասպարեզ» ակումբի խորհրդի նախագահ Լեւոն Բարսեղյանի եւ Արմեն Մարտիրոսյանի հետ: Լեւոն Բարսեղյանը պնդում էր, որ փայտերով ու քարերով խփողները ցուցարարները չեն: Կարապետյանը 5 րոպե ժամանակ տվեց հեռանալու համար: Նա ասաց, որ ՊՊԾ գնդի տարածքում կրակոցներ են, ինչը վտանգավոր է ցուցարարների համար
Ոստիկանության զորքերի հրամանատար, փոխոստիկանապետ Լեւոն Երանոսյանը ԱԺ պատգամավոր Զարուհի Փոստանջյանին դիմեց «այ պատգամավորով», ինչը զայրացրեց պատգամավորին: Երանոսյանը պնդում է, որ հավաքը թույլ չեն տալու: Ցուցարարները անդրդվելի են: Նրանց նաեւ չեն պարզաբանում, թե ինչ կրակոցներ են հնչել ՊՊԾ գնդի տարածքում:
Գոհար ՀԱԿՈԲՅԱՆ
