Բաց նամակ
Շիրակի մարզպետ Հովսեփ Աիմոնյանին
Հարգելի պարոն Սիմոնյան
Դիմում եմ Ձեզ մեր մարզում երեխաների իրավունքների կոպիտ ոտնահարման դեպքով:
Կարդացեք նաև
Գյումրու թաղամասերից մեկում ծայրահեղ ծանր վիճակում, վարձով մի ընտանիք է բնակվում, նրանց մասին առավել մանրամասն տեղեկություն կարող եմ հայտնել առանձին նամակով: Ընտանիքի հայրը ազգությամբ թուրք է, մայրը՝ հայ: Երեխաները՝ 11-ամյա Ֆատիման դեռևս դպրոց չի հաճախում, 6-ամյա Զարուհին ևս զրկված է մանկապարտեզ հաճախելու հնարավորությունից, դպրոց գնալու հնարավորություն ևս չունի:
Երեխաների մայրը, ինչպես նաև երեխաները հայտնվել են բառիս բուն իմաստով «թուրքի լծի տակ»՝ Հայաստանում, Գյումրիում: Մեզ հասած տեղեկությունների համաձայն թուրք ամուսինը, ամեն օր կնոջը բռնության է ենթարկում: Մեծ աղջնակը նույնիսկ ծննդյան վկայական չունի:
Դիմում եմ Ձեզ ակնկալելով, որ անհապաղ միջոցներ ձեռք կառնենք երեխաների խաթարված իրավունքների պաշտպանության և վերականգնման նպատակով:
Հարգանքով՝
«Շիրակ կենտրոն» ՀԿ նախագահ Վահան Թումասյան
Գյումրի
2016 թ. հուլիսի 30
