«Հայաստանը երբեք չի լինի այնպիսին, ինչպիսին հուլիսի 17-ից առաջ էր: Հանրային ընկալումներն են էականորեն փոխվել»,-Խորենացի փողոցում «Ազատության» հետ զրույցում ասել է «Իրազեկ քաղաքացիների միավորում» հասարակական կազմակերպության համակարգող Դանիել Իոաննիսյանը:
Անդրադառնալով «Սասնա ծռերից» Վարուժան Ավետիսյանի` ռազմագերու կարգավիճակը նախընտրելու մասին հայտարարությանը` նա ասել է. «Ըստ էության, դա ենթադրում է, որ իրենք մնալու են պայքարի խորհրդանիշ, քաղաքացիները պայքարելու են: Ակնհայտ է, որ բանտից պայքարել առանձնապես չեն կարող»:
Իոաննիսյանը կարծում է, որ ԱԱԾ-ի կողմից «Սասնա ծռերին» ահաբեկիչներ անվանելը կարող է բերել հանրային դժգոհության նոր ալիքի:
Խոսելով վերջին օրերին ստեղծված իրավիճակի շուրջ Հայ առաքելական եկեղեցու արձագանքի մասին` Դանիել Իոաննիսյանը համոզմունք հայտնեց, որ եկեղեցին կտրված է իրականությունից, իսկ վերջինիս հայտարարության մեջ անդրադարձ չկա «ոստիկանության կողմից համատարած տեռորին». «Եկեղեցին կոչ չարեց իշխանությունների հասցեին, այսինքն` իշխանությունների խոսափողն էր, տակը ստորագրած` Հայ առաքելական սուրբ եկեղեցի»:
Կարդացեք նաև
Ինչ վերաբերում է բողոքի ցույցերին, Իոաննիսյանի խոսքով` չի բացառվում, որ եթե այս անգամ էլ իրավիճակը թեժանար, ոստիկանության կողմից հրազեն կիրառվեր ցուցարարների դեմ. «Լուրջ փոփոխություններ ոստիկանությունում չկան: Ոստիկանությունը մի օրում խաչ քաշեց բարեփոխումների վրա, երբ սկսեցին մարդկանց առեւանգել, ծեծել: Մարտի 1-ին անգամ ոստիկանության զորքերի զորամասեր մարդկանց չէին տանում: Ոստիկանությունը ցույց տվեց, որ բարեփոխումները ձեւական են` դրամաշնորհներ ստանալու համար»:
Պատրաստեց Լուիզա ՍՈՒՔԻԱՍՅԱՆԸ
Կլինի, էն էլ ոնց կլինի..Հայասատնը հիմա էլ ա ընենց, ոնց մինչեւ հուլիսի 17-ը, ու հուլիսի 17-ից մինչեւ հուլիսի 31-ն էլ ա էղել ընենց, ոնց մինչեւ հուլիսի 17-ը….