«Եթե չեն ուզում ճանաչել, թող չճանաչեն, ես ոչինչ չեմ ուզում ասել, Աստված իրենց հետ»,- Aravot.am-ի հետ զրույցում, անդրադառնալով «Հիմնադիր խորհրդարանի» (ՀԽ) առաջնորդ Ժիրայր Սեֆիլյանի կնոջ՝ Նանոր Սեֆիլյանի հայտարարությանը, թե «այս անունով Ժիրայրին թիկնապահ կամ ընդհանրապես թիկնապահ ունենալու մասին տեղյակ չէի՝» ասաց Ժիրայր Սեֆիլյանի թիկնապահ Գեղամ Սահակյանը:
Նա չցանկացավ արձագանքել նաեւ ՀԽ անդամների ու համակիրների հայտարարություններին՝ իր՝ Սեֆիլյանի թիկնապահ լինելու կասկածների վերաբերյալ:
Հիշեցնենք, որ Գեղամ Սահակյանն ավելի վաղ մեզ հետ զրույցում ասել էր, թե «Սասնա ծռերը» լակոտություն են արել ՊՊԾ գունդը գրավելով. «Ապուշություն էր ինչ-որ մի բան գրավել, ու այնտեղ վեր ընկնել, ավտո վառել՝ ասել մեզ հաց տվեք ուտենք: Դա լակոտություն է»:
Մեր հարցին, ինչու են «Հիմնադիր խորհրդարանի» անդամներն ու մինչեւ իսկ Սեֆիլյանի կինը հերքում, որ դուք նրա թիկնապահն եք եղել, ձեր ասածները նրանց դուր չե՞ն եկել, պարոն Սահակյանը կարճ պատասխանեց. «Այո»:
Կարդացեք նաև
Նա հրաժարվեց այլ հարցերի պատասխանել:
Արփինե ՍԻՄՈՆՅԱՆ
Մեր հարցին, ինչու են «Հիմնադիր խորհրդարանի» անդամներն ու մինչեւ իսկ Սեֆիլյանի կինը հերքում, որ դուք նրա թիկնապահն եք եղել, ձեր ասածները նրանց դուր չե՞ն եկել, պարոն Սահակյանը կարճ պատասխանեց. «Այո»: Այս տողերը մեր լրագրողների մոտ հաճախ հանդիպող ոչ պրոֆեսիոնալ հարցադրումն է, երբ բաց հարցերի փոխարեն, հարցն այնպես են ձևակերպում ու այնքան երկար, որ դիմացինին համարյա ստիպում են կամ այո կամ ոչ ասել…