Ազատության հրապարակում մեկնարկած հանրահավաքին հետեւց երթը՝ Հյուսիսային պողոտայով: Հայտարարվեց, որ ցուցարարները երթով կգնան Հանրապետության հրապարակ, հետո՝ Մաշտոցի պողոտա, որտեղ էլ կավարտեն հավաքը:
Ցուցարարները՝ «միացեք» կոչերով մի պահ նաեւ մինի նստացույց արեցին հենց Հանրապետության հրապարակ չհասած փողոցում: Հավաքի մասնակիցների ձեռքերին կային նաեւ ցուցապաստառներ՝ «Սասնա ծռերը հերոսներ են» եւ այլ գրություններով:
Մի երիտասարդ էլ հայտարարում էր, որ «Սասնա ծռերը» մեր ազատության համար են նման գործողությունների դիմել, ցուցարարներն էլ հավանություն տվեցին սուլոցներով ու ծափահարություններով, սկսեցին վանկարկել «Սասնա ծռեր», «Պավլիկ» եւ «Միացում»:
‘We are the owners of our country’ holds a protest march in support of ‘Sasna Tsrer’ group heading to the RA Presidential Residence in Yerevan, Armenia
«Ազատություն» ռադիոկայանի լրագրողի հարցին, թե ի՞նչ կտան այս ամենօրյա երթերը, «Հիմնադիր խորհրդարանի» համակիր Անի Նավասարդյանն ասաց. «Քաղաքում բոլորը տեսնում են, որ կենդանի պայքարը չի մարել, որովհետեւ անընդհատ քարոզ է գնում, որ վերջացավ, որովհետեւ հավաքը ղեկավար չունի, իսկ մարդիկ տեսնում են, որ չի վերջացել»: Ըստ նրա, այս երթերը կնպաստեն նաեւ, որ տղաներին չճնշեն. « Ամենօրյա հավաքներին էներգիա կա ու չի սպառվել, քանի այդ էներգիան կա, պետք է այն պահել, որ տղաներին պաշտպանենք թիկունքից»:
Կարդացեք նաև
Արփինե ՍԻՄՈՆՅԱՆ
