Ազատության հրապարակում մեկնարկած հանրահավաքն ավարտվեց, սկսվեց բողոքի երթը արդեն հայտնի կարգախոսներով՝ «Սերժիկ հեռացիր», «Ազատ, անկախ Հայաստան»:
Երթ անելու անհրաժեշտության կոչը միացյալ երիտասարդների լիգայի ներկայացուցիչ Սեւակ Հովհաննիսյանինն էր: Ըստ նրա երթերից իշխանությունները սարսափում են. «Վերջին երթը, որը տեղի ունեցավ Ազատության հրապարակից, հետո Մաշտոցի պողոտան փակեցինք, քսանյոթ անձ բերման ենթարկվեց, վարչական իրավախախտումների մասին օրենքի տարբեր հոդվածներով տուգանքների ենթարկվեցին. Մեր իշխանությունը վախենում է ժողովրդի կամարտահայտությունից: Բացի դա, իմ կարծիքով, միայն հավաքվելով ոչինչ չենք փոխի, երթով գոնե հարակից տարածքների բնակիչները կիմանան, որ շարժումը չի մարել, պետք է ինտենսիվ պայքարել»:
Ցուցարարների երթուղին այսօր մեկնարկեց Հյուսիսային պողոտայով դեպի Մաշտոցի պողոտա, Ամիրյան փողոց, ապա՝ Հանրապետության հրապարակ: Ցուցարարների երթը կավարտվի Ազատության հրապարակում:
Այս պահին խաղաղ բողոքի երթ է ընթանում:
Կարդացեք նաև
Արփինե ՍԻՄՈՆՅԱՆ