Լրահոս
Օրվա լրահոսը

ԲՀԿ պատգամավորներին կրկին չեն թույլատրել Նուբարաշենում տեսակցել կալանավորներին

Օգոստոս 11,2016 12:40

Քիչ առաջ Նուբարաշեն քրեակատարողական հիմնարկում էին ԲՀԿ նախագահ Նաիրա Զոհրաբյանը, խմբակցության քարտուղար Վահե Էնֆիաջյանն ու ԲՀԿ պատգամավոր Լյովա Խաչատրյանը։ Օգտվելով պատգամավորական իրենց իրավունքից՝ ԱԺ պատգամավորները պնդել են, որ պետք է տեսակցեն Արմեն Մարտիրոսյանին, Դավիթ Սանասարյանին, ինչպես նաեւ մի քանի այլ կալանավորված անձանց։ Նուբարաշեն քրեակատարողականի պետը, ինչպես նաեւ՝ Քրեակատարողական վարչության ղեկավարությունը հերթական անգամ արգելել է պատգամավորներին տեսակցել կալանավորված անձանց։

Կրկին անգամ ուզում ենք արձանագրել, որ պատգամավորների՝ կալանավորված անձանց տեսակցելու իրավունքի արգելումը օրենքի կոպտագույն խախտում է։

Ավելին, ԲՀԿ պատգամավորներին էր դիմել զանգվածային անկարգությունների հրահրման գործով կալանավորված Տիգրան Մարգարյանի մայրը, ներկայացնելով փաստաթղթերի մի հսկայական փաթեթ՝ իր որդու մի շարք լուրջ հիվանդությունների եւ մասնավորապես, խիստ վտանգավոր՝ անշաքար դիաբետի մասով։ ԲՀԿ պատգամավորներին թույլ չեն տվել տեսակցել նաեւ նշյալ հիվանդ կալանավորի հետ։

Նաիրա Զոհրաբյանը դիմել է Օմբուդսմենին՝ Տիգրան Մարգարյանի մասով, Արման Թաթոյանը խնդրել է մարդու իրավունքների պաշտպանի գրասենյակին տրամադրել Տիգրան Մարգարյանի հիվանդությունների մասին անհրաժեշտ բոլոր փաստաթղթերը, եւ այս պահին երիտասարդ կալանավորի մայրը Օմբուդսմենի գրասենյակում է։

Մենք հետամուտ ենք լինելու, որ պատգամավորների՝ կալանավորված անձանց տեսակցելու իրավունքի անօրինական արգելանքը հանվի եւ պատգամավորները, ինչպես եղել է նախկին բոլոր դեպքերում, անարգել կարողանան իրացնել իրենց իրավունքներն ու պարտականությունները։

 

ԲՀԿ մամուլի ծառայություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2016
Երկ Երե Չոր Հնգ Ուրբ Շաբ Կիր
« Հուլ   Սեպ »
1234567
891011121314
15161718192021
22232425262728
293031