Լրահոս
Օրվա լրահոսը

«ՌԴ-ին փորձում են կանգնեցնել փաստի առջեւ». Հակոբ Չաքրյան

Օգոստոս 11,2016 22:42

Թուրքագետ Հակոբ Չաքրյանի մեկնաբանմամբ, Թուրքիան ուզում է ՌԴ-ին փաստի առջեւ կանգնեցնել՝ փորձելով միջազգային ասպարեզում ստեղծել պատրանք, թե այդ ԼՂ հիմնահարցի կարգավորումը պետք է քննարկվի Թուրքիա- Ադրբեջան- Ռուսաստան ձեւաչափով:

Պարոն Չաքրյանից հետաքրքրվեցինք՝ ռուս-թուրքական հարաբերությունների բարելավման ֆոնին հնարավո՞ր է ՌԴ-ն իսկապես նպաստի թուրքական կողմի ներգրավմանը, ի պատասխան պարոն Չաքրյանն ասաց.

«Թուրքիայի հետ հարաբերությունները կարգավորելու հարցում շահագրգռված է Թուրքիան, ոչ թե ՌԴ-ն: Այսինքն, Էրդողանի այցը եւ հանդիպումը Պուտինի հետ ընդամենը հարաբերությունները բարելավվելու բարի կամքի արտահայտություն էր, որեւէ կոնկրետ արդյունք չտվեց, իսկ ԼՂ հիմնահարցի կարգավորումը ԵԱՀԿ ՄԽ նախագահող երկրների գործն է, կարգավորման նախաձեռնությունը նրանցն է: Եթե հարցը դնեն Ադրբեջան-Թուրքիա-Ռուսաստան ձեւաչափով քննարկելուն, դա ՄԽ մյուս համանախագահների կողմից կդիտարկվի որպես ոտնձգություն ԼՂ հիմնահարցի կարգավորմանը»,- Aravot.am-ին ասաց թուրքագետը:

Մեր հարցին՝ հավանական համարո՞ւմ եք Թուրքիայի ներգրավվումը գործընթացում, պարոն Չաքրյանը պատասխանեց. «Ավելի շատ Թուրքիան կցանկանար հարցի կարգավորմանը հասնել ՌԴ միջոցով, այսինքն, ՌԴ-ն Հայաստանի վրա ճնշում գործադրի հօգուտ Ադրբեջանի, թե ինչքանով է հնարավոր, խիստ կասկածելի է: Մանավանդ, որ Պուտին-Էրդողան հանդիպումը արդյունք դեռ չի տվել, պարզապես կողմերը պատրաստակամություն են հայտնել վերականգնել տնտեսական հարաբերությունները»:

Հիշեցնենք, որ Թուրքիայի արտգործնախարար Մևլութ Չավուշօղլուն՝ թուրքական TRT հեռուստաընկերության հետ զրույցում հայտարարել է, որ

Ղարաբաղյան հակամարտության հարցը կքննարկվի Ադրբեջան-Թուրքիա-Ռուսաստան ձևաչափով: Թուրք նախարարը հավաստիացրել է, որ հարցը այդ ձևաչափով քննարկելը ձեռնտու է բոլոր կողմերին։

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Nairi Urartatsi says:

    Միթե չի ավարտվել հայկական հարցը Ռուս-Թուրքական բանակցություններով լուծելու
    դարաշրջանը: Հարյուր տարի առաջ կատարվածի արդյունքը տեսնում ենք,տեսնում է ողջ
    աշխարհը, հատկապես առաջադեմ համարվող երկրները: Եւ ինչ, կրկին հին ջրաղացն է
    պտտվում,հերթական անգամ ուզում ենք կանգնել կոտրած տաշտակի առաջ: Ուշքի եկ,
    հայ ժողովուրդ, զգոն եղիր: Այսօր էլ փորձ է արվում, ոչ ավել, ոչ պակաս հայկական
    հարցը լուծել ռուսաստան-թուրքիա-ադրբեջան դավադիր ձևաչափով: Երկու թուրքական
    պետությունը շատ չէ արդյոք: Ինձ թվում է, մտածելու,այլ գործելու ժամանակն է: Վաղն
    ուշ է լինելու:

Պատասխանել

Օրացույց
Օգոստոս 2016
Երկ Երե Չոր Հնգ Ուրբ Շաբ Կիր
« Հուլ   Սեպ »
1234567
891011121314
15161718192021
22232425262728
293031