Լրահոս
Օրվա լրահոսը

«Սասնա ծռերի» անդամները բանտախցերում նոր պայքարողներ են գտել. Ալեք Ենիգոմշյան. (Տեսանյութ)

Օգոստոս 12,2016 22:33

Հիմնադիր խորհրդարանի անդամ Ալեք Ենիգոմշյանն այսօր Ազատության հրապարակում էր: Նա ելույթ ունեցավ եւ հայտարարեց, որ պայքարը շարունակվում է եւ հորդորեց «վերանորոգել մեր կողովն ու պատրաստվել շարունակական պայքարի, մինչեւ նպատակներին կհասենք»:

Ենիգոմշյանն ասաց, որ անազատության մեջ գտնվող «Սասնա ծռեր» խմբի անդամներից տեղեկություններ է սպասում. «Բոլոր տղաների վճռականությունը բացարձակապես անկում չի կրել: Տղաները անազատության մեջ իրենք իրենց համարում են հաղթանակած: Իրենց կոչն էլ բոլորիս շարունակել պայքարը եւ իրենց հետ միասին հասնել հաղթանակի: Այն քիչ թվով մարդիկ՝ փաստաբանները, որոնք հնարավորություն ունեն տղաներին տեսնել, առանց խտրականության ասում են,որ տղաների վճռականությունը ամենաբարձր աստիճանին է գտնվում: Տղաները շատ ավելի լուրջ, քան կատակ, յուրաքանչյուրն ասում է, որ իր գտնված խցում իր կողքին արդեն ձեւավորվում են 11, 15, 20, 25 նոր պայքարողներ»:

Նա ասաց, որ «Սասնա ծռեր» քաղաքական շարժումը նախաձեռնող խումբը վերակազմակերպվել է. «Եթե ոչ այս պահից, ապա վաղվանից մենք շատ ավելի կազմակերպված ձեւով, առաջարկություններով կշարունակենք մեր այս հավաքներն ու պայքարը»:

Նա հիշեցրեց իրենց պահանջները եւ խոսելով վստահության կառավարության ձեւավորման մասին՝ ասաց, որ պետք է լինել երկրի տերը, անգամ եթե վստահության կառավարությանը վստահեն, դրանից հետո ձեռքերը պետք չի ծալել ու առանց վերահսկողության ազատություն չտան ոչ ոքի:

Նա հիշեցրեց իրենց կարգախոսը՝ ոչ մի թիզ հող, հող տվողին հանձնել հողին:

Ալեք Ենիգոմշյանն ընդգծեց,որ պետք է հասնեն Հայաստանի ապագաղութացմանը:

Ազատության հրապարակում վանկարկում էին՝ Ա-լեք, Ա-լեք:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2016
Երկ Երե Չոր Հնգ Ուրբ Շաբ Կիր
« Հուլ   Սեպ »
1234567
891011121314
15161718192021
22232425262728
293031