Հանրային խորհրդի անդամ Արշակ Սադոյանը կարծում է, որ Խորենացի փողոցում բախումների գործով կալանավորված որդու նկատմամբ քաղաքական հետապնդում է իրականացվում:
«Սկզբում չէի մտածում, բայց հիմա ստիպված եմ մտածել, որ քաղաքական խաղեր են: Որովհետեւ հետաքրքրությունից ելնելով է գնացել, ընդամենը եղել է առաջին շարքում, ոչ քարով է հարվածել, ոչ մահակով, ոչինչ չի արել, պարզապես որ հայտնվել է կադրում, կալանավորել են»,- Aravot.am-ին ասաց Արշակ Սադոյանը:
Նրա որդու՝ Արեգ Սադոյանի կալանքի որոշումը փաստաբան Վարդան Զուռնաչյանը բողոքարկել էր Վերաքննիչ դատարանում, դատարանն էլ բողոքը մերժելու մասին որոշում է ընդունել՝ առանց փաստաբանի մասնակցության:
Պարոն Սադոյանը կառավարության անդամներից, պատգամավորներից, ակադեմիկոսներից երաշխավորագրեր է հավաքել ու դատարան ներկայացրել, որ իր տղան չի փախչի, միայն թե խափանման միջոց՝ կալանքը փոխվի, առաջարկել է նաեւ գրավ, բայց դատարանը մերժել է:
Կարդացեք նաև
Ըստ նրա. «Դատարանի նման որոշումը լրիվ անօրինական էր, ստիպված ենք դիմելու Վճռաբեկ դատարան ու դիմելու ենք մարդու իրավունքների եվրոպական դատարան, որովհետեւ Արեգը ոչ հայհոյել է, ոչ քար է նետել, պարզապես գտնվել է առաջին շարքում»:
Դատարանների որոշումներից դժգոհ Սադոյանը դիմելու է բոլորին, նաեւ Սերժ Սարգսյանին. «Բայց առաջին հերթին օրենքի ճանապարհով եմ գնալու՝ դատարաններ, նույնիսկ Եվրամիություն եմ դիմելու, որովհետեւ նման այլանդակություն թույլատրելի չէ, ոչ մի բան չարած մարդուն ձերբակալեցին, կալանավորեցին, հիմա էլ Նուբարաշեն քրեակատարողական հիմնարկում նստած է, որ ի՞նչ»:
Արփինե ՍԻՄՈՆՅԱՆ
ձեր սարքած երկիրն է, իր բարքերով… հեշտ չի չէ՞ հասարակ մահկանացու լինելը մի երկրում, որտեղ օրենքները հարմարեցվում են լիսկաներին, շմայսներին, լֆիկներին, հերմիկներին, շուշիկներին, թոխմախներին և այլոց…
որ պետություն ու պետականություն եք կառուցում, իսկի մտածում եք, որ էնպիսի երկիր սարքեք, որտեղ բոլորի իրավունքները հավասարաչափ պաշտպանված կլինեն, որտեղ մարդիկ կկարողանան արժանապատվորեն ապրել, կայանալ ու վայելել իրենց կյանքը…