Լրահոս
Օրվա լրահոսը

«Եթե նույնիսկ իշխանություններն ինձ արտաքսեն, ես հետ եմ գալու հայրենիք». Պավել Մանուկյան

Օգոստոս 18,2016 18:55

Վերաքննիչ դատարանն այսօր քննեց «Սասնա ծռեր» խմբի անդամ Պավել Մանուկյանի կալանքի վերաբերյալ բողոքի քննությունը: Դատարանը հեռացել է խորհրդակցական սենյակ՝ որոշում կայացնելու, որը կհրապարակվի վաղը՝ առավոտյան: Պավել Մանուկյանին դատարան բերելիս ու տանելիս դատարանի շենքի մոտ հավաքված քաղաքացիները դիմավորեցին ու ճանապարհեցին «Պավլիկ» վանկարկումներով:

Պավել Մանուկյանի պաշտպանը՝ փաստաբան Ինեսա Պետրոսյանը պատմեց, որ այսօր իրենց պաշտպանյալը ելույթ ունեցավ:

Ըստ մյուս փաստաբանի. «Պավել Մանուկյանն ասաց՝ ինքը «Սասնա ծռերի» թուր կեծակին է, իսկ թուր կեծակն էլ երբեք պատյան չի մտնելու, մենք բարձրացրել ենք ու պետք է կարողանանք հասնել հաղթանակի»:

Ինեսա Պետրոսյանն էլ ասաց, որ կալանքի համար որեւէ հիմք չկա, բացի ենթադրություններից՝ ինչպես կարող  է նա  խուսափել կամ խոչընդոտել նախաքննական մարմնին. «Պավել Մանուկյանը վատառողջ է ու ամիսներ շարունակ չի կարողանա ինքնուրույն տեղաշարժվել, նա դատարանում էլ հայտարարեց՝ եթե նույնիսկ իշխանություններն ինձ արտաքսեն, ես հետ եմ գալու հայրենիք, իրենից շատ հեռու է խուսափելը, որեւէ մեկը հանրապետությունում չի կարող հավատալ, որ նա կարող է հեռանալ՝ նախաքննական մարմնից խուսափելու համար»:

Ինեսա Պետրոսյանն ասաց, որ բողոքարկելու են դատարանի որոշումը, եթե իրենց բողոքը մերժվի:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Իրավաբան says:

    Ինչպիսի համեստություն-Թուր կեծակին ես???????????:Կարողա Փոքր Մհեր ես, վրեքներս խաբար չկա?
    Այ սենց բաներ են ասում ու անում ու ուզում են հիանան իրանցով, մեծարեն, անտեսեն իրանց անիրավությունները-որպես փոխհատուցում ուրիշների ապօրինությունների դեմ պայքարի:
    Չեմ կարող ընդունել էդ գաղափարները:
    Հակացեք ի վերջոո ԺՈՂՈՎՐԴԻ ՄԱՍՆԻԿՆ ԵՔ բայց ոչ ժովողուրդը- մի մեծամտացեք-մադրիկ կամ որ Ձեզ պես չեն մտածում: Բավական է շահարկեք էդ բառերը:
    ՊԱՎԼԻԿ-կխոսե՞ք մարդու իրավունքների պաշտպանության մասին-գոնե ակնարկեք էլի:
    Տպավորություն է որ էպոսի տակ եք մնացել- բայց ոչ կրողը էպոսի գաղափարների-գթասրտության, ազատատենչության ու նվիրումի:
    Իմ երկրում Թուր կեծակին մենակ թշնամու դեմ պիտի լինի-էն էլ անհրաժեշտության դեպքում:
    Առողջություն Ձեզ ու մյուսներին ու ներքին խաղաղության վերագտում:

Պատասխանել

Օրացույց
Օգոստոս 2016
Երկ Երե Չոր Հնգ Ուրբ Շաբ Կիր
« Հուլ   Սեպ »
1234567
891011121314
15161718192021
22232425262728
293031