Տղերքը հաղթեցին: Մենք օլիմպիական չեմպիոններ ունենք: Երկար սպասված հաղթանակ, որ ստվերվեց մի կողմից մրցավարների անարդարությամբ, մյուս կողմից հանրայինի մեկնաբանի պահվածքով:
Ընդհանրապես, անհամարժեք պահվածքը մեր երկրում օրինաչափության է վերածվել: Ոստիկանները ընդունակ են ոչ միայն անչափահասին ապօրինի տասը ժամ պահել անազատության մեջ, այլև 7-8 հոգով ծեծել վերջինիս: Այդպես են վարվել Շահեն Հարությունյանի հետ: Մինչև ե՞րբ և մինչև ո՞ւր այս ճանապարհով…
Սուրեն ՍԱՐԳՍՅԱՆ
Սուրեն ջան, իսկ Կարեն Գիլոյանի ո՞ր խոսքն էր հայհոյանք: Գուցե մեջբերեիք, իմանայինք: Եթե ի նկատի ունեք այն, որ ասեց, թե թքեմ օլիմպիական խաղերում այսպիսի եզրափակչի վրա՞: Ես, որպես հեռուստադիտող, ինձ ոչ միայն վատ չզգացի, այլեւ լավ զգացի: Սա այն եզակի դեպքերից էր, որ մեկնաբանը իրերը կոչեց իրենց անունով, իսկ Դուք դա խառնում եք ներհայաստանյան քաղաքականության, ուրիշ բանի հետ եւ փորձում ուրիշ գնահատական տալ: Սակայն եթե Դուք ուրիշ բան ի նկատի ունեք, տեղյակ պահեք, իմանանք: Հետո էլ, Ձեր կողմից շատ տգեղ էր ու նյութի հետ կապ չունեցող սիրուհի-միրուհի բառեր գործածելը կոնկրետ այս «վերլուծականում»: