Լրահոս
Օրվա լրահոսը

«Բազեում» շարունակում են պայքարել հաղթանակի համար

Օգոստոս 26,2016 16:31

«Բազե» համահայկական երիտասարդական հավաքում շարունակվում են մարզական և մշակութային մրցույթները։ Այսօր տեղի են ունեցել բազկամարտի միջճակատային մրցումները, մեկնարկել են «Բազե-ֆիլմ», «Բազե-հումոր» մրցույթները։
Հավաքի կարմիր ճակատի ղեկավար Ալեքսան Հովհաննիսյանն ընդգծում է, որ «Բազեն» երիտասարդությանը տալիս է գիտելիքներ, շփումներ, պայքարի ոգի։ Ըստ կարմիր ճակատի ղեկավարի՝ այն մթնոլորտը, որ ստեղծվում է հավաքի օրերին ու փոխանցվում մասնակիցներին, հետագայում մեծ դեր կարող է ունենալ երիտասարդների համար։ Նա նաև ասում է, որ հավաքի բոլոր օրերը շատ հագեցած ու թեժ են անցնում, սակայն բոլորը մեծ հաճույք են ստանում այդ զբաղվածությունից և կատարված աշխատանքից։
Կապույտ ճակատի ղեկավար Արմեն Սարգսյանը նկատում է, որ մեծ փորձառություն են ստանում հավաքում։ Կապույտ ճակատում ունեն թե՜ հաղթանակներ, թե՜ պարտություններ, և համախմբված շարունակում են իրենց պայքարը։ Նա նշում է, որ «Բազեում» ամենամեծ ձեռքբերումն ընկերներն են։

3
Նարնջագույն ճակատի ղեկավար Ռաֆֆի Քարամյանի կարծիքով էլ՝ «Բազեն» համախմբող միջոցառում է։ Նա նշում է, որ 2007 թվականից սկսած, երբ ընդունվել է բուհ, մեծ ցանկություն է ունեցել մասնակցել հավաքին։ 2011-ին արդեն ընդգրկված է եղել հավաքում որպես մասնակից, այս տարի արդեն՝ որպես ճակատի ղեկավար։ Նա նկատում է, որ որպես ճակատի ղեկավար շատ ավելի դժվար ու պատասխանատու է, պետք է հետևել ճակատի 135 անդամներին։ Իսկ մրցույթներում հաղթանակի գրավականը, Ռաֆֆի Քարամյանի կարծիքով, համախմբված թիմն է։

6
Հիշեցնենք, որ «Բազե» հավաքի կազմակերպիչը Հայաստանի երիտասարդական հիմնադրամն է։ Այս օրերին Ծաղկաձորում շուրջ 500 երիտասարդներ ուժերն են չափում տարբեր ոլորտներում՝ հավաքի հաղթող ճանաչվելու համար։

8
Հայաստանի երիտասարդական հիմնադրամի
հասարակայնության հետ կապերի ծառայություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2016
Երկ Երե Չոր Հնգ Ուրբ Շաբ Կիր
« Հուլ   Սեպ »
1234567
891011121314
15161718192021
22232425262728
293031