Ինչպես արդեն տեղեկացրել ենք, Վերաքննիչ քրեական դատարանը մերժեց «Ոտքի Հայաստան» քաղաքացիական նախաձեռնության անդամ Դավիթ Հովհաննիսյանի գործով բողոքը: Վերջինս շարունակելու է կալանքի տակ մնալ:
Երեւանի ավագանու «Բարեւ, Երեւան» խմբակցության անդամ Դավիթ Սանասարյանը լրագրողների հետ զրույցում ասաց, որ արդեն 1 տարի է, ինչ Դավիթ Հովհաննիսյանի հետ պայքարի մեջ է: Նա նշեց, որ Դավիթ Հովհաննիսյանը բազմաթիվ անգամներ թույլ չի տվել, որ տեղի ունենա բախում քաղաքացիների եւ ոստիկանների միջեւ:
«Իմ դեմ եմ վկայություն տալիս, բայց ի օգուտ Դավիթ Հովհաննիսյանի պետք է ասեմ՝ Սարի թաղում Դավիթ Հովհաննիսյանը մոտացավ ինձ եւ մեղադրեց, թե ինչու է ժողովուրդը Սարի թաղում հայտնվել: Իհարկե՛, ես դրա պատասխանը ունեմ ու տվել եմ, բայց Դավիթ Հովհաննիսյանը դեմ էր Սարի թաղ գալուն:
Իմ աչքով եմ տեսել՝ Դավիթ Հովհաննիսյանը չի մասնակցել որեւէ անօրինական գործողության՝ քար նետել կամ նման բաներ: Դավիթ Հովհաննիսյանը եղել է իմ աչքի առաջ, նման բան չի եղել: Սա մնացած դատավարությունների շարունակությունն է, երբ պարզապես մարդկանց ապօրինի ձեւով զրկում են ազատությունից»,- ասաց Դավիթ Սանասարյանը:
Կարդացեք նաև
Ամի ՉԻՉԱԿՅԱՆ
