Լրահոս
Օրվա լրահոսը

Քննարկվել է «Ընտանեկան բռնության մասին» ՀՀ օրենքի նախագիծը

Սեպտեմբեր 09,2016 18:33

Հայաստանի Հանրապետության արդարադատության նախարարությունում այսօր  տեղի է ունեցել ընտանեկան բռնության կանխարգելման թեմայով աշխատանքային հանդիպում: Քննարկմանը մասնակցել են ՀՀ ԱՆ աշխատակազմի օրենսդրության վարչության պետ Բագրատ Ղազինյանը, Եվրոպայի խորհրդի Հավասարության բաժնի խորհրդական Տիկլի Օիկարինեն, Մարդու իրավունքների պաշտպանի գրասենյակի և Արդարադատության նախարարության այլ ներկայացուցիչներ:

Հանդիպման նպատակն էր  քննարկել միջազգային  փորձն ու մշակել Հայաստանում ընտանեկան բռնության կանխարգելման և դրա դեմ պայքարի արդյունավետ իրավական մեխանիզմներ:

ՀՀ ԱՆ օրենսդրության վարչության պետ Բագրատ Ղազինյանը, ողջունելով հյուրերին, իր երախտագիտությունն է հայտնել Հայաստանում ընտանեկան բռնության դեպքերի նվազեցմանն ուղղված Եվրոպայի խորհրդի բոլոր ջանքերի համար, այնուհետև ընդգծել, որ ՀՀ արդարադատության նախարարությունը պատրաստ է համագործակցել և ԵԽ մի շարք ծրագրերի շրջանակներում իրականացնել կանանց նկատմամբ բռնության և ընտանեկան բռնության կանխարգելման ու դրա պայքարի լիարժեք պաշտպանություն: «Ներկայում Արդարադատության նախարարությունը մշակում է նաև Ընտանեկան բռնության կանխարգելման և դրա դեմ պայքարի մասին ՀՀ օրենքի նախագիծ, որի նպատակն է  ոլորտի համալիր կարգավորումը: Այս առումով միջազգային լավագույն փորձի ուսումնասիրությունն ու իրավական լուծումների որդեգրումը  կնպաստի արդյունավետ իրավական կառուցակարգերի ամրագրմանը՝ խնդրո առարկա բնագավառում»,- ասել է  Բագրատ Ղազինյանը:

Եվրոպայի խորհրդի Հավասարության բաժնի խորհրդական Տիկլի Օիկարինեն մշտական համագործակցության և փորձի փոխանակման պատրաստակամություն է  հայտնել:

Քննարկման ընթացքում նախարարության աշխատակիցները փորձագետից հետաքրքրվել են մի շարք արդիական հարցերի վերաբերյալ այդ բնագավառում լավագույն փորձ համարվող իրավակարգավորումներով, ինչպիսիք են օրինակ՝ ընտանեկան բռնությունը քրեականացնող առանձին հանցակազմի ներառման անհրաժեշտությունը քրեական օրենսգրքում կամ դրա նախատեսումը գործող առանձին հանցակազմերում, հատուկ հիմնադրամի ստեղծման նպատակահարմարությունը, որը ֆինանսավորվելու է բռնություն գործած անձանց տուգանքներից, ինչն էլ հետագայում ծառայելու է տուժածների սոցիալական խնդիրները լուծելուն:

Պայմանավորվածություն է ձեռք բերվել առաջիկա հանդիպումներում ներգրավել նաև հասարակական կազմակերպություններին:

ՀՀ ԱՆ տեղեկատվության և հասարակայնության հետ կապերի վարչություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2016
Երկ Երե Չոր Հնգ Ուրբ Շաբ Կիր
« Օգո   Հոկ »
 1234
567891011
12131415161718
19202122232425
2627282930