Լրահոս
Օրվա լրահոսը

Արամ Ա. Վեհափառ Հայրապետը ընտրուեցաւ Միջին Արեւելքի Եկեղեցիներու խորհուրդի պատուոյ Նախագահ. kantsasar

Սեպտեմբեր 12,2016 23:11

kantsasar.com. Յորդանանի մայրաքաղաք Ամմանի մէջ գումարուող Միջին Արեւելքի եկեղեցիներու խորհուրդի համաժողովը` բարձրօրէն գնահատելով Արամ Ա. վեհափառ հայրապետին բերած ներդրումը միջեկեղեցական շարժումին մէջ ընդհանրապէս եւ Միջին Արեւելքի եկեղեցիներու խորհուրդին մէջ մասնաւորապէս, զինք ընտրեց իբրեւ խորհուրդի պատուոյ նախագահ: Վեհափառ հայրապետը խօսք առնելով գնահատեց համաժողովին աշխատանքները, շնորհակալութիւն յայտնեց իր անձին նկատմամբ ցուցաբերուած վստահութեան համար եւ շեշտեց, որ ինք յանձնառու կը մնայ իր նպաստը բերելու միջեկեղեցական շարժումի զարգացման:

Միջին Արեւելքի եկեղեցիներու խորհուրդի համաժողովը շարունակելով իր աշխատանքները կատարեց Գործադիր վարչութեան ընտրութիւնը: Համաժողովին մասնակցող Մեծի Տանն Կիլիկիոյ կաթողիկոսութեան պատուիրակութեան անդամներէն Սեպուհ արք. Սարգիսեան եւ Յուսիկ Ծ. վրդ. Մարտիրոսեան ընտրուեցան Գործադիր վարչութեան անդամներ, իսկ դոկտ. Ժան Սալմանեան` անձնափոխանորդ: Գործադիր վարչութիւնը յառաջիկայ չորս տարիներուն ընթացքին, մինչեւ յաջորդ համաժողով, կը ծրագրէ խորհուրդի աշխատանքները եւ կը փորձէ իրագործել համաժողովէն բխած առաջարկները: Գործադիր վարչութիւնը կը կազմուի եկեղեցական չորս ընտանիքներու (ուղղափառ ոչ քաղկեդոնական, արեւելեան ուղղափառ, աւետարանական եւ կաթողիկէ) քսանչորս ներկայացուցիչներէ: Նշենք, որ Մեծի Տանն Կիլիկիոյ կաթողիկոսութիւնը Միջին Արեւելքի եկեղեցիներու խորհուրդի կազմութենէն ի վեր (1974) գործօն մասնակցութիւն կը բերէ խորհուրդի աշխատանքներուն:

Վերջապէս, համաժողովը յառաջիկայ չորս տարիներու Խորհուրդի ընդհանուր քարտուղարի պաշտօնին համար ընտրեց հայր Միշել Ժալըխը:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2016
Երկ Երե Չոր Հնգ Ուրբ Շաբ Կիր
« Օգո   Հոկ »
 1234
567891011
12131415161718
19202122232425
2627282930