Ինչպես ավելի վաղ հայտնել էինք, Արագածոտնի մարզի Ծաղկահովիտ գյուղում երեկ կայացած համայնքապետի ընտրություններում Էրեբունու ՊՊԾ գնդի գրավման մեջ մեղադրվող «Սասա ծռեր» խմբի անդամ, ներկայում անազատության մեջ գտնվող Արայիկ Խանդոյանը չհաղթեց: «Միայնակ գայլն» ընտրողների ձայների քանակով երրորդն էր:
«Արայիկ Խանդոյանը չընտրվեց, որովհետեւ նման իշխանությունների օրոք ՀՀ-ում ընտրությունները չեն կարող կայանալ: Երեկվա ընտրությունները դրա ապացույցն են»,-Aravot.am-ի հետ զրույցում այսպիսի կարծիք հայտնեց «Հիմնադիր Խորհրդարան»-ի անդամ Ալեք Ենիգոմշյանը:
«Ծաղկահովիտում այսպիսի երեւույթի ականատես եղանք` ոստիկանության այսպես կոչված «աչալրջությանը»: Նրանք Արայիկ Խանդոյանի նկարով շապիկները համարեցին օրինախախտում: Այսինքն, 25 տարում դա գուցե ԸՕ միակ խախտումն է, որը հաստատել է ՀՀ ոստիկանությունը: Իսկ եթե լուրջ, աղաղակող օրինախախտումներ են եղել Ծաղկահովիտում եւ մյուս համայնքներում»,-նշեց Ալեք Ենիգոմշյանը:
Ըստ նրա` Արայիկ Խանդոյանին տրված ձայներն ազնիվ են, իսկ մյուս ձայները` «ընտրակաշառքով հափշտակված»:
Կարդացեք նաև
Հիշեցնենք, որ Ծաղկահովիտում ընտրությունների առնչությամբ Արայիկ Խանդոյանն այսօր հայտարարություն էր տարածել:
Լուիզա ՍՈՒՔԻԱՍՅԱՆ
ուրեմն՝ ընդունելի են ժողովուրդի միայն այն ձայները որոնք ի նպաստ իրենց, այլախոհերին են… արժէք ունի միայն այն քուէն որ իրենց շրնորհված է…
եւ այս մարդիկն է որ հարթակի վրայ իրենց շապիկն են պատռում, աղաղակելով թէ իշխանությունը նկատի չի առնո՜ւմ ժողովուրդի կարծիքը…
երեւակայենք մի պահ թէ ինչ կը լինէր կացությունը,
եթէ իրենց ձեռքում լինէր երկրի ղեկը
թող հիմա բանտերում քարոզեն ժողովրդավարության իրենց այս իւրահատուկ եւ ինքնատիպ ըմբռնողությունը