Ո՞վ հաղթանակ տարավ Միացյալ Նահանգների նախագահի թեկնածուների առաջին բանավեճի ընթացքում, դեմոկրատ Քլինթոնը, թե՝ հանրապետական Թրամփը: Բանավեճից անմիջապես հետո անցած մի շարք հեղինակավոր հարցումների համաձայն, մարդկանց մեծ մասը հաղթող է ճանաչել դեմոկրատների թեկնածուին, նշելով, որ Քլինթոնը հանգիստ էր եւ ինքնավստահ, մինչդեռ հանրապետական Թրամփը՝ ճնշող եւ չափազանց հաստատակամ:
Քաղաքական վերլուծաբան Դեյվիդ Փլոուֆեի կարծիքով, Թրամփը տապալեց բանավեճը.
«Բանավեճի ընթացքում նա որոշ դեպքերում չէր կարողանում նույնիսկ կենտրոնանալ: Այսինքն, կային պահեր, երբ բարդ էր նույնիսկ հասկանալ, թե Թրամփն ինչի մասին է խոսում»:
Նյու Յորքի նախկին քաղաքապետ հանրապետական Ռուդոլֆ Ջուլիանիի տպավորությունը բոլորովին այլ է.
Կարդացեք նաև
«Քլինթոնը բացահայտեց, որ տնտեսությունից բացարձակ անտեղյակ է: Գործարարներից ավելի մեծ հարկեր պահանջելով, ինչպե՞ս է հնարավոր աշխատատեղերն այս երկրում պահել: Ինչո՞ւ գործարարները պետք է ձգտեն ավել հարկեր վճարել»:
Մանրամասներին կարող եք ծանոթանալ՝ «Ամերիկայի ձայն»-ի կայքում:
