Լրահոս
Օրվա լրահոսը

Հովհաննես Հովսեփյան. «Սովորաբար յուրաքանչյուր գործարար, երբ որ իրենից հարկ են փորձում գանձել, միշտ դժգոհում է»

Սեպտեմբեր 28,2016 12:28

Այսօր խորհրդարան էր եկել Պետական եկամուտների կոմիտեի նախագահ Հովհաննես Հովսեփյանը: Նա մոտ կես ժամ գտնվում էր ՀՀԿ խմբակցության ղեկավար Վահրամ բաղդասարյանի աշխատասենյակում: Այդ ընթացում լրագրողները «շրջափակել» էին Վահրամ Բաղդասարյանի աշխատասենյակի դուռը, որ փորձեն Հովհաննես Հովսեփյանին որոշ հարցեր տալ:

Մինչ պարոն Հովսեփյան դուրս գալը, տարբեր ՀՀԿ-ական պատգամավորներ, որոնք մտնում եւ դուրս էին գալիս խմբակցության ղեկավարի սենյակ, լրագրողներին զգուշացնում էին, որ Հովսեփյանը դուրս է գալու եւ գնա նիստերի դահլիճ, ուստի դժվար թե խոսի:

Ի վերջո, Հովհաննես Հովսեփյանը դուրս եկավ Վահրամ Բաղդասարյանի աշխատասենյակից՝ նրա եւ Առաքել Մովսիսյանի ուղեկցությամբ: Առաջինը Առաքել Մովսիսյանը դուրս եկավ՝ ճանապարհ բացելով Հովսեփյանի համար: Թեեւ նախապես ասվել էր, որ Հովսեփյանը նիստերի դահլիճ է գնալու, նա գնաց ելքի դռան կողմը: Այդ ընթացքում, լրագրողները փորձեցին ինչ-որ հարցերի պատասխաններ «պոկել» ՊԵԿ նախագահից:

«Ի՞նչ առաջարկի մասին ես խոսում: Բայց ես պաշտոնակատար չեմ, չէ՞, պարզ չէ, որ… Կառավարությանն առընթեր պետական եկամուտների կոմիտեի նախագահը պաշտոնակատար չէ»,- այսպես պատասխանեց հարցին ՊԵԿ նախագահը՝ ինքը հետագա պաշտոնավարման առաջարկ ստացե՞լ է վարչապետից: «Էլ հարցերի չեմ պատասխանում»,- ասաց Հովհաննես Հովսեփյանը՝ լսելով իր հնարավոր պաշտոնանկության մասին լուրերի վերաբերյալ հարցը:

Հարկերի հավաքագրմանը վերաբերվող հարցերը ևս պատշաճ պատասխաններ չստացան. «Հարկային օրենսգիրքը հենց հիմա քննարկվում է, թողեք թող քննարկվի, վերջանա»: Լրագրողների դիտարկմանը, որ գործարարները դժգոհ են հարկահավաքման գործընթացից,

Հովհաննես Հովսեփյանը պատասխանեց. «Սովորաբար յուրաքանչյուր գործարար, երբ որ իրենից հարկ են փորձում գանձել, միշտ դժգոհում է»:

Վարչապետի՝ պրիմիտիվ գողությունների, ապօրինի հարստացումը քրեականացնելու հավանականության մասին եւ այլ հարցերն այդպես է անպատասխան մնացին:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2016
Երկ Երե Չոր Հնգ Ուրբ Շաբ Կիր
« Օգո   Հոկ »
 1234
567891011
12131415161718
19202122232425
2627282930