Ծանրամարտի միջազգային ֆեդերացիայի գործկոմը, որը կայացել է Պեկինում, առաջարկվել է 2017 թվականի հունվարի 1-ից կանանց ծանրամարտում երկու քաշային կարգ ավելացնել՝ հավասարեցնելով տղամարդկանց եւ կանանց պայքարի քաշային կարգերը (8-ական):
Ըստ այդմ, կանանց ծանրամարտում մտցվում են մինչեւ 90 եւ 90-ից բարձր քաշային կարգերը մեծահասակների եւ երիտասարդների համար եւ մինչեւ 75 եւ +75 կգ՝ պատանիների համար: Սա նշանակում է, որ ապագայում հիանալի հեռանկարներ կարող են բացվել մեր լավագույն կին ծանրորդներից մեկի՝ Հռիփսիմե Խուրշուդյանի առջեւ, որը անձնական քաշն ավելացնելու խնդիրների պատճառով աշխարհի առաջնություններում եւ օլիմպիական խաղերում չէր կարողանում չեմպիոնական ոսկե մեդալ նվաճել:
IWF գործկոմը առաջարկել է նաեւ հավասար արդյունքի դեպքում վերացնել ծանրորդների անձնական քաշի գործոնի առավելությունը: R-sport-ը տեղեկացնում է, որ այս առաջարկները դեռ պետք է հաստատվեն միջազգային ֆեդերացիայի համաժողովում:
Աշոտ ՀԱԿՈԲՅԱՆ
Կարդացեք նաև
Լուսանկարը՝ alchetron.com-ի
