Լրահոս
Օրվա լրահոսը

80 աշակերտին` 1 ուսումնական ինքնաձիգ. (Տեսանյութ)

Սեպտեմբեր 30,2016 13:17

Արցախի Հաթերք համայնքի միջնակարգ դպրոցի ռազմագիտության դասարանը ռուսաստանաբնակ հաթերքցիների շնորհիվ հագեցած է անհրաժեշտ գույքով եւ պարագաներով: Դպրոցի զինղեկ, պահեստազորի սպա Ռուբեն Բաղրյանը հպարտությամբ է ասում` Արցախի շատ քիչ դպրոցներ ունեն նման կահավորանք: Վստահեցնում է` «Նախնական զինվորական պատրաստություն» առարկայի ուսուցումն իրականացվում է ինչպես հարկն է:

DCIM106MEDIA

Aravot.am-ի հետ զրույցում նա պատմեց, որ իր շրջանավարտների մի մասն արդեն սպայական կոչումներով ծառայում է Արցախի պաշտպանության բանակում: «Բանակ-հասարակություն կապը պահպանում ենք, տեղի զորամասի հետ կազմակերպում համապատասխան միջոցառումներ, քննարկում ռազմահայրենասիրական թեմաներ, աշակերտներն էլ հանդիպում են Արցախյան պատերազմի մասնակից-վետերանների հետ»,-ասում է Ռուբեն Բաղրյանը:

DCIM106MEDIA

DCIM106MEDIA

DCIM106MEDIA

DCIM106MEDIA

DCIM106MEDIA

Զինղեկի կարծիքով` շաբաթը մեկ անգամ ռազմագիտություն դասավանդելը չափազանց քիչ է, անհրաժեշտ է շաբաթական 3-4 ժամ: Ռազմագիտության դասասենյակին կից հրաձգարան կա: Անհրաժեշտ ուսումնական գույք ունեն, սակայն բավարար չէ. «Մեկ ուսումնական ինքնաձիգը տալիս ես մեկ աշակերտին` մյուս 18-ը նստում-նայում են: 8-11-րդ դասարաններում 80 աշակերտ ունեմ: 80-ի համար մեկ ինքնաձիգը շատ քիչ է…այսօրվա աշխարհաքաղաքական պայմաններում դպրոցում պետք է ունենանք հզոր զինանոց, որ երեխան կարողանա պատրաստված մեկնել ծառայության»,-նկատում է Ռուբեն Բաղրյանը:

Մանրամասները` տեսանյութում

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2016
Երկ Երե Չոր Հնգ Ուրբ Շաբ Կիր
« Օգո   Հոկ »
 1234
567891011
12131415161718
19202122232425
2627282930