Լրահոս
Օրվա լրահոսը

Եվս 9 հոգի դիմել է դատարան` Ռամազոտիի համերգի տոմսի գումարը վերադարձնելու պահանջով (Տեսանյութ)

Սեպտեմբեր 30,2016 17:26

Սեպտեմբերի 30-ին Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում դատավոր Ա. Ստեփանյանը քննեց Էրոս Ռամազոտիի երևանյան համերգի տոմսեր գնած քաղաքացիների հայցը, որով նրանք պահանջում են իրենց գնած տոմսերի գումարները վերադարձնել:

Դատավորը հայտնեց, որ «Ֆորպոստարտ Պրոդաքշըն» ընկերության գլխավոր տնօրեն Զառա Մխեյանից դիմում է ստացվել` գործի քննությունը հետաձգելու մասին: Զարինե Մխեյանը խնդրել է հնարավորություն ընձեռել իր ընկերության իրավունքների պաշտպանությունն իրականացնել փաստաբանի միջոցով:

Դատավորը գտավ, որ պատասխանող կողմին պետք է հնարավորություն տրվի ծանոթանալու գործի նյութերին եւ որոշեց եւս մեկ նախնական դատական նիստ հրավիրել` նոյեմբերի 24-ին, ժամը 14:35-ին:

Հավելենք, որ այս գործով դատարան է դիմել 60 քաղաքացի: Իսկ տասը հոգի հայցից հրաժարվել է, քանի որ արդեն ստացել է փոխհատուցում: Այսօրվա նիստում հայտնի դարձավ, որ եւս 9 քաղաքացիներ դատական հայց են ներկայացրել: Հայցվորների պահանջը կազմում է 2 միլիոն 131 հազար դրամ:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2016
Երկ Երե Չոր Հնգ Ուրբ Շաբ Կիր
« Օգո   Հոկ »
 1234
567891011
12131415161718
19202122232425
2627282930