ԳՅՈՒՄՐԻ ԵՎ ՎԱՆԱՁՈՐ ՀԱՄԱՅՆՔԵՐՈՒՄ 2016 ԹՎԱԿԱՆԻ ՀՈԿՏԵՄԲԵՐԻ 2-Ի ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ԸՆՏՐՈՒԹՅՈՒՆՆԵՐԻ ՆԱԽԸՆՏՐԱԿԱՆ ԺԱՄԱՆԱԿԱՀԱՏՎԱԾԻ ԴԻՏԱՐԿՄԱՆ ԱՐԴՅՈՒՆՔՆԵՐ
Հելսինկյան Քաղաքացիական Ասամբլեայի Վանաձորի գրասենյակն իրականացրել է Վանաձորի և Գյումրիի ՏԻՄ ընտրությունների երկարաժամկետ մշտադիտարկում:
2016 թվականի հոկտեմբերի 2-ին Գյումրի և Վանաձոր համայնքներում ինքնակառավարման մարմինների ընտրությունների նախընտրական քարոզարշավն ընդգրկում է 2016 թվականի սեպտեմբերի 9-30-ն ընկած ժամանակահատվածը։ Առաջին անգամ Գյումրիում և Վանաձորում ինքնակառավարման մարմինները ձևավորվում են համամասնական ընտրակարգով։
Գյումրիում առաջադրվել են 10 կուսակցություն և 1 դաշինք, Վանաձորում՝ 8 կուսակցություն։ Նախընտրական քարոզչության ժամանակահատվածը դիտարկվել է Վանաձորում 3 դիտորդի կողմից և Գյումրիում 4 դիտորդի կողմից:
Կարդացեք նաև
Գյումրի և Վանաձոր քաղաքներում ինքնակառավարման մարմինների ընտրությունների նախընտրական քարոզչության դիտարկման արդյունքներից կարելի է եզրակացնել
1.Նախընտրական քարոզչությունը պաշտոնական մեկնարկից հետո գնալով ավելի է թեժացել, որն ուղեկցվել է կուսակցությունների միջև փոխադարձ քննադատությամբ, ընդհուպ մինչև հակաքարոզչական բնույթ կրող հրապարակային ելույթներով,
2.Առաջադրված կուսակցությունների միջև չեն պահպանվել հավասար պայմաններ նախընտրական քարոզչության իրականացման համար, ակնհայտ արտոնյալ պայմաններում է գտնվել Հայաստանի հանրապետական կուսակցությունը և Բալասանյան դաշինքը։
3.Նախընտրական քարոզչության գովազդների, նախընտրական հանդիպումների հրապարակային տարածքներից օգտվելու առավել մեծ հնարավորություն ունեցել են իշխանական կուսակցությունները՝ ՀՀԿ-ն, ՀՅԴ-ն, Բալասանյան դաշինքը, հատկապես մարզային և համայնքային ենթակայության հիմնարկություններում հանդիպումների տեսանկյունից։
4.Նախընտրական քարոզչության ընթացքում կուսակցությունների կողմից օգտագործվող ֆինանսական ռեսուրսները վերահսկելի չեն եղել, ընդհուպ նախընտրական շտաբների աշխատակիցների վճարման հարցերում։
5.Լուրջ մտահոգություններ կան ՀՀԿ-ի և Բալասանյան դաշինքի կողմից վարչական ռեսուրսների չարաշահման և ի նպաստ իրենց թեկնածուների օգտագործման առումով։
Զեկույցն ամբողջությամբ՝ այստեղ
Հելսինկյան Քաղաքացիական Ասամբլեայի Վանաձորի գրասենյակ
