Լրահոս
Օրվա լրահոսը

«Բայց դե եղբայրս վերեւում էր…». «Ֆոտոլուր»-ի լուսանկարիչը` Սարի Թաղի դեպքերի մասին. (Ֆոտոշարք եւ տեսանյութ)

Սեպտեմբեր 30,2016 21:25

Հուլիսին «Սասնա ծռեր» խմբի կողմից ՊՊԾ գնդի գրավմանը հաջորդած հասարակական ընդվզման ամենահիշարժան դրվագները մեկտեղվել են «Հոդված 3» ակումբում, որտեղ այսօրվանից կգործի «Սասնա Ծռեր՝ իրավունքի ու բռնության սահմանները» լուսանկարչական աշխատանքների ցուցահանդեսը` «Ֆոտոլուր» լրատվական գործակալության հետ գործակցությամբ։ «Հոդված 3» ակումբի այս նախաձեռնությունը նպատակ ունի լուսանկարների միջոցով ցույց տալ հուլիսյան դեպքերի ժամանակ իրավապահների կողմից մարդու իրավունքների խախտման դեպքերը:

Լուսանկարների հերոսները ոստիկաններն ու ցուցարարներն են: «Ֆոտոլուր»-ի լուսանկարիչներից Հայկ Բաղդասարյանին ամենից շատ տպավորել է մի կին-ցուցարար, որը նստել էր գետնին` ոստիկանական կենդանի պատի դիմաց: «Առաջին իսկ օրից այդ կինը Խորենացիում էր: Երբ հայտարարեցին, որ Պավլիկ Մանուկյանին վիրավորել են, նա բարկացավ, լաց եղավ ու ասեց, որ հացադուլ է անելու»,-Aravot.am-ի հետ զրույցում պատմեց Հայկ Բաղդասարյանը:

Նա նշեց, որ Սարի թաղի միջադեպի օրը, երբ ոստիկանական հատուկ միջոցներից տասնյակ քաղաքացիներ եւ լրատվամիջոցների աշխատակիցներ էին վիրավորվել, ինքը Խորենացի փողոցում էր կատարում մասնագիտական պարտականությունները. «Եղբայս Սարի Թաղում էր: Հետո իմացա, որ ամեն ինչ նորմալ է իր հետ: Հետո հիվանդանոց, վիրավորներ…այդ ամենը սկսեց արդեն փոքր-ինչ ազդել աշխատանքի վրա, չէ՞ որ սկսում ես մտածել բոլորի մասին, բայց դե եղբայրդ էլ վերեւում է (նկատի ունի` Սարի Թաղում.-խմբ.)»,-ժպտալով ասաց Հայկը` նկատի ունենալով Վահրամ Բաղդասարյանին, ով եւս «Ֆոտոլուր»-ի լուսանկարիչներից է:

photolur_1 photolur_2 photolur_4 photolur_5 photolur_6 photolur_7 photolur_8 photolur_9 photolur_10

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2016
Երկ Երե Չոր Հնգ Ուրբ Շաբ Կիր
« Օգո   Հոկ »
 1234
567891011
12131415161718
19202122232425
2627282930