2010 թ-ի հոկտեմբերի 1-ին ամուսնու ծեծի հետեւանքով մահացել էր 20-ամյա Զարուհի Պետրոսյանը: Դեպքից հետո «Ընդդեմ կանանց նկատմամբ բռնության կոալիցիան» հոկտեմբերի 1-ը հռչակել է «Ընտանեկան բռնության դեմ պայքարի ազգային օր» եւ կազմակերպում է հանրային իրազեկման ակցիաներ` քաղաքացիներին տեղեկացնելով ընտանեկան բռնության դեպքերի եւ դրանց կանխարգելման միջոցների մասին:
Հերթական ակցիան այսօր տեղի ունեցավ Գարեգին Նժդեհի հրապարակի գետնանցումում: «Կոալիցիայի անդամ-կազմակերպություններն ունեն հոգեբաններ, իրավաբաններ, սոցիալական աշխատողներ, որոնք անվճար խորհրդատվություն են տրամադրում եւ ծառայություններ մատուցում` բռնության ենթարկված կանանց»,-Aravot.am-ի հետ զրույցում ասաց «Ընդդեմ կանանց նկատմամբ բռնության կոալիցիայի» ներկայացուցիչ Մարիամ Խուրշուդյանը:
Կարդացեք նաև
Նրա փոխանցմամբ` 2010-16թթ. ՀՀ-ում բռնության հետեւանքով մահացել է 35 կին. «45 երեխա մնացել է որբ: Սա շատ լուրջ խնդիր է, քանի որ անգամ կնոջ մահից հետո նրան են մեղադրում` ասելով` «տեսնես ինչ էր արել, որ ամուսինը սպանեց»: Նման հարցեր անգամ դատական համակարգերի աշխատակիցներն են տալիս, մինչդեռ սպանությունը ոչնչով չի արդարացվում: Հայաստանում կինը գրեթե բոլոր ոլորտներում բախվում է խտրական մոտեցմանը: Մեզանում տարածված են բռնության բոլոր տեսակները` ֆիզիկական, հոգեբանական, սեռական, տնտեսական, եւ դրանք բոլորը միասնաբար են արտահայտվում»:
Հավելենք, որ կոալիցիայի ներկայացուցիչներն այսօր 18:30-20:00-ն նաեւ կիրականացնեն մոմավառություն` «Վերնիսաժի» հարևանությամբ գտնվող պուրակում:
Լուիզա ՍՈՒՔԻԱՍՅԱՆ
մէջբերում՝ «սպանությունը ոչնչով չի արդարացվում»…
……………………………………………………………………………….
սակայն նոյն այս կազմակերպությունը ստորագրեց գոնէ մի հայտարարություն որ արդարացնում է ոստիկանատան զինեալ բռնագրավումը, որու ընթացքին մարդիկ, ընտանիքի տէր հայրեր, սպանվեցան
ամէն դէպքում,
ան երբեք չդատապարտեց այդ բիրտ ու մահասփիւռ արարքը
արդյոք տարբե՞ր էր լինելու այդ կեցվածքը,
եթէ ոստիկանուհիներ լինէին սպանվողները…