Լրահոս
Օրվա լրահոսը

Եղիշե Պետրոսյանը հաց բերող Արթուր Սարգսյանի մասին երգ է գրել

Հոկտեմբեր 04,2016 17:05

«Սասնա ծռեր» խմբավորման անդամներին ուտելիք տարած Արթուր Սարգսյանին ուտելիք տանողների շարքում էր նաեւ երգիչ, երգահան Եղիշե Պետրոսյանը: Նա լրատվամիջոցների հետ զրույցում ասաց, որ իր կարծիքով՝ Արթուր Սարգսյանին չաջակցելը սրբապղծություն է:

«Նա ցույց է տվել մարդկային բարձրագույն արժեքը, նա օգնության ձեռք է մեկնել սովածին: Թե հոդվածներով ինչ է, ինձ դա քիչ է անհանգստացնում: Այդ մարդն իմ սրտի մեջ տեղ ունի»,- ասաց նա:

Եղիշե Պետրոսյանը կարծում է, որ կարելի էր Արթուր Սարգսյանին ազատ արձակել. «Որովհետեւ նա հաշմանդամ է, որովհետեւ անձնուրաց մարդ է: Եվ նա բոլորիս սպիտակ երես արեց: Ինքը արեց այն, ինչը երեւի թե բոլորս պարտավոր էինք անել»:

Եղիշե Պետրոսյանը ասաց, որ իշխանության հայտարարություններն իր համար հիմք չեն. «Իրենք աջուձախ ստի մեջ են թե՛ իրենց տնտեսական քաղաքականությամբ, թե՛ բարոյական վարքով լրիվ ստի մեջ են, իրենց ասածն ինձ ի՞նչ: Ես տեսնում եմ մարդ, որը մարդկային շատ մեծ արժեքներ է ցույց տվել, եւ ես այդ մարդուն հարգում եմ, վե՛րջ: Ուրիշ բան, հոդված ինձ չի հետաքրքրում: Ես այդ մարդուն անգամ երգ եմ նվիրել, շուտով կհրապարակվի, կոչվում է՝ «Հաց բերողը»:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2016
Երկ Երե Չոր Հնգ Ուրբ Շաբ Կիր
« Սեպ   Նոյ »
 12
3456789
10111213141516
17181920212223
24252627282930
31